ភ្នំពេញ៖ កម្លាំងល្បាតអន្តរាគមន៍ និងកម្លាំងប៉ុស្តិ៍នគរបាលរដ្ឋបាលឃ្មួញចេញប្រតិបត្តិការល្បាតក្នុងមូលដ្ឋានដើម្បីភូមិឃុំមានសុវត្ថិភាពបានធ្វើការឃាត់ខ្លួនជនសង្ស័យ៤នាក់ ពាក់ព័ន្ធ២ករណីផ្សេងគ្មាន។
ករណីទី១ នៅវេលាម៉ោង១១យប់ថ្ងៃទី៣ ខែកញ្ញា ឆ្នាំ២០១៦ កម្លាំងល្បាតប៉ុស្តិ៍នគរបាលរដ្ឋភ្នំពេញថ្មី បានល្បាតដល់ចំនុចផ្លូវ ១៩២៨ ភូមិប៉ាយ៉ាបសង្កាត់ភ្នំពេញថ្មី ប្រទះឃើញជនសង្ស័យ២នាក់ ដោយមានការសង្ស័យក៏ឃាត់សុំធ្វើការត្រួតពិនិត្យជាលទ្ធផលរកឃើញថ្នាំញៀន ១កូនថង់តូចនៅជាប់ខ្លួន។
ករណីទី២ នៅវេលាម៉ោង១ និង៣០នាទីយប់ថ្ងៃទី៤ ខែកញ្ញា ឆ្នាំ២០១៦ ប្រទះឃើញជនសង្ស័យ២នាក់នៅចំណុចផ្លូវហ្គេនភ្នំពេញ សង្កាត់ឃ្មួញ មានការសង្ស័យក៏ឃាត់សុំធ្វើការត្រួតពិនិត្យជាលទ្ធផលរកឃើញឧបករណ៍សម្រាប់កាច់សោ.កម៉ូតូ និងឆ្កិះសោ១ឈុតនៅជាប់ខ្លួន។
បច្ចុប្បន្នជនសង្ស័យទាំង២ករណីខាងលើ កំពុងឃុំខ្លួនជាបណ្តោះអាសន្ននៅអធិការដ្ឋាននគរបាលខណ្ឌ ដើម្បីក៏សាងសំណុំរឿងបញ្ជូនទៅតុលាការ៕
ដោយ៖ តុង សីហា
