ភ្នំពេញ៖ ម៉ូតូ២គ្រឿងជិះបោះពួយខ្វះការប្រុងប្រយ័ត្នជ្រុលបុកគ្នានៅផ្លូវបំបែកជាបួនបណ្ដាលឲ្យមនុស្សចំនួន៥នាក់បានរងរបួសធ្ងន់ស្រាល។
ហេតុការណ៍នេះបានកើតឡើងនៅវេលាម៉ោង១និង៣០នាទីយប់ ថ្ងៃទី១៥ខែកញ្ញាឆ្នាំ២០២៥ចំនុចផ្លូវ៣១០កែងផ្លូវ៥៧ សង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ ។
តាមប្រភពព័ត៌មាន ពីកន្លែងកើតហេតុ បានអោយដឹងថា មុនពេលកើតហេតុ គេបានឃើញម៉ូតូម៉ាកZUSUKI nex ពណ៌ខ្មៅ ពាក់ស្លាកលេខ ភ្នំពេញ 1LE 2671 ជិះគ្នា៣នាក់ប្រុសម្នាក់និងនារី២នាក់ ធ្វើដំណើរតាមបណ្ដោយផ្លូវ៥៧ទិសដៅពីត្បូងទៅជើងក្នុងល្បឿនលឿនលុះមកដល់ចំនុចកេីតហេតុដែលជាផ្លូវបំបែកជាបួន ក៍ស្រាប់តែបុរស២នាក់ទៀតបានជិះម៉ូតូម៉ាកWINER X ពណ៌ខ្មៅ ពាក់ស្លាកលេខ ភ្នំពេញ 1LT 6623 បានជិះបោះពួយតាមបណ្ដោយផ្លូវ៣១០ទិសដៅពីកេីតទៅលិចល្បឿនលឿនហើយខ្វះការប្រុងប្រយ័ត្នដូចគ្នាក៍ជ្រុលទៅបុកនិងម៉ូតូZUSOKI nex យ៉ាងពេញទំហឹងបណ្ដាលឲ្យមានទាំង២គ្រឿងខ្ទាតទៅចិញ្ចឹមផ្លូវម្ខាងទៀត ដែលធ្វើឲ្យបុរសជាអ្នក២WINER X របួសបែកក្បាលហូរឈាម និងអ្នកអង្គុយខាងបាក់ភ្លៅត្រូវបានបញ្ជូនទៅសង្គ្រោះនៅមន្ទីរពេទ្យរុស្ស៊ី ។
ដោយឡែកខាងម៉ូតូ nex អ្នកបេីកម៉ូតូរបួសបែកក្បាលហូរឈាម និងនារី២នាក់អង្គុយខាងក្រោយ របួសតិចតួច ក៍ត្រូវបញ្ជូនទៅសង្គ្រោះនៅមន្ទីរពេទ្យដូចគ្នា ។
ក្រោយកេីតហេតុនៅសល់មធ្យោបាយទាំង២គ្រឿងត្រូវបានសមត្ថកិច្ចជំនាញចរាចរណ៍វាស់វែងយកទៅរក្សាទុកនៅអធិការដ្ឋាននគរបាលខណ្ឌបឹងកេងកងរង់ចាំដំណោះស្រាយ ៕
ដោយ៖សុខាសែនជ័យ
