ភ្នំពេញ៖ ម៉ូតូចំនួន៥គ្រឿងកំពុងឈប់ចាំផ្លូវភ្លើងស្ដុបត្រូវរថយន្ដតូយ៉ូតាមួយគ្រឿងបើកពីក្រោយដាច់ហ្វ្រាំងបុករះបណ្ដាលរងការខូចខាច តែសំណាងល្អគ្រាន់តែមានមនុស្សរងរបួសស្រាល ។
ហេតុការណ៍នេះបានកេីតឡេីងកាលពីវេលាម៉ោង ៩ព្រឹកថ្ងៃទី ០១ខែ តុលា ឆ្នាំ២០២៥ ស្ថិតនៅចំណុចផ្លូវ៣០ម៉ែត្រ កែង៦០ម៉ែត្រ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ។
តាមប្រភពបានអោយដឹងថាមុនពេលកើតហេតុមានម៉ូតូ៥គ្រឿងកំពុងតែឈប់ចាំភ្លើងស្ដុបត្រង់ផ្លូវបំបែនជាបួន ខណៈនោះក៏ស្រាប់តែមានបុរសម្នាក់បើករថយន្ដម៉ាកតូយ៉ូតា ពណ៌សមួយគ្រឿង ពាក់ផ្លាក2AJ-0192 បានធ្វើពីក្រោយតាមបណ្ដោយផ្លូវ៣០ ម៉ែត្រ រហូតដល់ចំណុចភ្លើងស្ដុបស្រាប់បុករះម៉ូតូ៥គ្រឿងដែលឈប់ចាំភ្លើងបណ្ដាលអោយរងការខូចខាត និងធ្វើអោយមនុស្សប្រុសស្រីជាច្រើននាក់រងរបួសស្រាល់ ។
ប្រភពពីម្ចាស់រថយន្ដបង្កហេតុបានអោយដឹងថា រថយន្ដរបស់ពេលដែលធ្វើដំណើរដល់កន្លែងកើតហេតុស្រាប់តែជាន់ដាច់ហ្រ្វាំង រេចង្កូតទៅបុកម៉ូតតែម្ដង ។
ក្រោយកេីតហេតុសមត្ថកិច្ចមូលដ្ឋានបានចុះមកសម្របសម្រួលដោយភាគីរថយន្តបង្កសម្រេចចេញថ្លៃជួសជុលម៉ូតូទាំង៥គ្រឿងដេីម្បីបញ្ចប់រឿងភ្លាមៗ៕
ដោយ ៖ ភារ៉ា ដង្កោ
