ភ្នំពេញ៖ ជនសង្ស័យ២នាក់ដែលជាមុខសញ្ញាប្លន់ និងជួញដូរគ្រឿងញៀនបានព្យាយាមជិះរត់គេចពីកម្លាំងអាវុធហត្ថជ្រុលបុកម៉ូតូដែលចតស្ងៀម ក៏ត្រូវសមត្ថកិច្ច និងប្រជាពលរដ្ឋនៅទីនោះឃាត់ខ្លួនបាន រកឃើញកាំភ្លើងខ្លី១ដើម និងថ្នាំញៀន១កញ្ចប់ធំផងដែរ។

ករណីចាប់បានមុខសញ្ញាប្លន់ និងគ្រឿងញៀនខាងលើកើតឡើងនៅវេលាម៉ោង៣ និង២៥នាទីរសៀលថ្ងៃទី៦ ខែកញ្ញា ឆ្នាំ២០១៦ ស្ថិតនៅតាមបណ្តោយផ្លូវបេតុង ត្រង់ចំណុចផ្សារទួលពង្រ សង្កាត់ចោមចៅ ខណ្ឌពោធិ៍សែនជ័យ៕

បច្ចុប្បន្នជនសង្ស័យទាំង២នាក់ ត្រូវបានបញ្ជូនទៅអធិការនគរបាលខណ្ឌពោធិ៍សែនជ័យដើម្បីសាកសួរ៕

ដោយ៖ សុខា សែនជ័យ