ភ្នំពេញ៖ ជនជាតិចិនម្នាក់ស្រវឹងបានបេីករថយន្តម៉ាក ford everest បួងចង្កូតមិនទាន់ក៏ជ្រុលទៅបុករះម៉ូតូ៤គ្រឿងរថយន្តមួយគ្រឿងរួមទាំងបង្គោលភ្លើងបំភ្លឺផ្លូវ១ដើមរងការខូចខាត ។
ហេតុការណ៍នេះបានកើតឡើងនៅវេលាម៉ោង១២និង២០នាទីយប់រំលងអធ្រាត្រចូលថ្ងៃទី១១ខែតុលាឆ្នាំ២០២៥ ទល់មុខហាងចិនមួយកន្លែង នៅក្នុងទីក្រុងកោះពេជ្រ ផ្លូវវិរៈជន សង្កាត់ទន្លេបាសាក់ ខណ្ឌចំការមន ។
តាមប្រភពព័ត៌មាន ពីកន្លែងកើតហេតុ បានឲ្យដឹងថា មុនពេលកេីតហេតុ គេបានឃើញបុរសជនជាតិចិន ម្នាក់បានបេីករថយន្តម៉ាក ford everest ពណ៌ខ្មៅ ពាក់ស្លាកលេខ ភ្នំពេញ 2BY 0613 បានបេីកធ្វើដំណើរតាមបណ្ដោយផ្លូវ វិរៈជន ទិញដៅ ពីជើងទៅត្បូង លុះមកដល់ចំនុចកេីតហេតុ ដែលជាកែង អ្នកបេីកបរបួងចង្កូតមិនទាន់ ទេីបធ្វើអោយរថយន្ត ជ្រុលទៅបុករះម៉ូតូគ្រឿង៤គ្រឿង រថយន្តមួយគ្រឿង ផ្ទុបនិងបង្គោលភ្លើងបំភ្លឺផ្លូវ រងការខូចខាតថែមទៀត ផងផង ។
ករណីនេះ សមត្ថកិច្ចមូលដ្ឋានបានចុះទៅដល់ និងបានមេីលឃើញ ការខូចខាត មានដូចជា ម៉ូតូម៉ាកហុងដាឌ្រីមឃ្លីក១គ្រឿងម៉ូតូ ម៉ាកហុងដាស្តុបពី២គ្រឿង ម៉ូតូធំ១គ្រឿង រថយន្តម៉ាក DONGFENG ពណ៌ស ពាក់ស្លាកលេខ ភ្នំពេញ 2BV0596 ដែលចតនៅលើចិញ្ចើមផ្លូវមុខហាង និងបង្គោលភ្លើងបំភ្លឺផ្លូវ១ដើម បណ្តាលអោយរងការខូចខាតយ៉ាងដំណំ តែក្នុងហេតុការណ៍នេះមិនគ្រោះថ្នាក់ដល់មនុស្សនោះទេ ។
ករណីនេះផងដែរ ភាគីខាងរថយន្ត គឺសុខចិត្ត ទទួលរ៉ាប់រង សងសំណងថ្លៃខាង លើមធ្យោបាយទាំងអស់ ដើម្បីបញ្ចប់រឿងផងដែរ ៕
ដោយ៖សុខាសែនជ័យ
