Cape Verde បានកក់សំបុត្ររួចរាល់សម្រាប់ការប្រកួត World Cup លើកដំបូងរបស់ពួកគេកាលពីថ្ងៃចន្ទ បន្ទាប់ពីជ័យជម្នះ 3-0 លើក្រុម Eswatini ដែលលទ្ធផលនេះបានធានាថាពួកគេបានបញ្ចប់លេខរៀងលើគេនៅក្នុងពូលDនៃក្រុមនៅតំបន់អាហ្វ្រិក។

ប្រជុំកោះអាហ្រ្វិកខាងលិចដែលមានប្រជាជនប្រហែល ៦០ម៉ឺននាក់ Cape Verde គឺជាប្រទេសតូចជាងគេទី 2 ក្នុងប្រវត្តិសាស្ត្រការប្រកួតដែលមានឱកាសលេងនៅការប្រកួតបាល់ទាត់ពិភពលោកឆ្នាំ 2026 ដែលនឹងត្រូវធ្វើជាម្ចាស់ផ្ទះនៅប្រទេសកាណាដា សហរដ្ឋអាមេរិក និងម៉ិកស៊ិក។

Cape Verde បានទទួលឯករាជ្យពីប្រទេសព័រទុយហ្គាល់ក្នុងឆ្នាំ 1975 ហើយបានព្យាយាមជាលើកដំបូងដើម្បីឈានដល់ការប្រកួតបាល់ទាត់ពិភពលោកឆ្នាំ 2002 ដែលធ្វើជាម្ចាស់ផ្ទះនៅប្រទេសជប៉ុន និងកូរ៉េខាងត្បូង។

ក្រុមនេះក៏បានធ្វើព្យុះធ្វើភ្លៀងលើសទម្ងន់របស់ពួកគេនៅក្នុងការប្រកួត Africa Cup of Nations (Afcon) ក្នុងរយៈពេលប៉ុន្មានឆ្នាំថ្មីៗនេះ ដោយឈានដល់វគ្គ 1/4 ផ្តាច់ព្រ័ត្រជាលើកដំបូងក្នុងឆ្នាំ 2013 និងម្តងទៀតនៅឆ្នាំ 2023 ហើយបច្ចុប្បន្នកំពុងឈរនៅចំណាត់ថ្នាក់ទី 70 ក្នុងចំណាត់ថ្នាក់ពិភពលោក។

អ៊ីស្លង់ ដែលបានបង្ហាញខ្លួនក្នុងព្រឹត្តិការណ៍បាល់ទាត់ពិភពលោកឆ្នាំ 2018 នៅប្រទេសរុស្ស៊ី គឺជាប្រទេសតែមួយគត់ដែលមានចំនួនប្រជាជនតិចជាងគេបង្អស់ ដែលអាចចូលរួមលេងពានរង្វាន់ពិភពលោក៕