ក្លឹបបាល់ទាត់ប្រទេសក្រិកPanathinaikosបានតែងតាំងអតីតអ្នកចាត់ការក្រុម Liverpool និង Real Madrid លោក Rafael Benitezជាអ្នកចាត់ថ្មីរបស់ពួកគេកាលពីថ្ងៃសុក្រដោយគ្រូបង្វឹកសញ្ជាតិអេស្ប៉ាញវ័យ 65 ឆ្នាំរូបនេះបានជំនួសកន្លែងលោក Christos Kontis ដែលត្រូវបានបណ្តេញចេញបន្ទាប់ពីការចាញ់ 3-1 Europa League កាលពីថ្ងៃព្រហស្បតិ៍នៅលើទឹកដី Feyenoord ។

ប្រព័ន្ធផ្សព្វផ្សាយក្រិកបានរាយការណ៍ថា Benitez បានចុះកិច្ចសន្យារយៈពេលពីរឆ្នាំជាមួយក្លឹបដែលមានមូលដ្ឋាននៅទីក្រុង Athens ។ ការងារចុងក្រោយរបស់ លោកBenitez ថ្មីៗនេះនៅ Celta Vigo ជាកន្លែងដែលគាត់ត្រូវបានបណ្តេញចេញពីការងារកាលពីខែមីនាឆ្នាំមុន បន្ទាប់ពីដឹកនាំបានប្រាំបីខែ។

កិច្ចព្រមព្រៀងជាមួយ  Panathinaikos បានរួមបញ្ចូលទាំងជម្រើសក្នុងការបន្តរយៈពេលមួយឆ្នាំបន្ថែមទៀត និងមានតម្លៃប្រហែល 4 លានអឺរ៉ូ (4.66 លានដុល្លារ) ក្នុងមួយរដូវកាល ដែលប្រព័ន្ធផ្សព្វផ្សាយក្នុងស្រុកបានរាយការណ៍ថាជាប្រាក់ខែខ្ពស់បំផុតមិនធ្លាប់មានសម្រាប់គ្រូបង្វឹកនៅក្នុងក្របខ័ណ្ឌកំពូលរបស់ក្រិច។

លោកBenitez បានដឹកនាំ Liverpool ឱ្យឈ្នះជើងឯក Champions League ឆ្នាំ 2005 និងបានដឹកនាំ Chelsea ឱ្យឈ្នះពានរង្វាន់ Europa League ឆ្នាំ 2013 បន្ថែមពីលើភាពជោគជ័យក្នុងស្រុក និងអឺរ៉ុបជាមួយ Valencia, Inter Milan និង Napoli ។

គ្រូបង្វឹកសញ្ជាតិអេស្បាញនឹងទទួលភារកិច្ចក្នុងការស្តារទ្រព្យសម្បត្តិរបស់ Panathinaikos ខណៈដែលម្ចាស់ជើងឯកក្រិច 20 សម័យនេះកំពុងឈរនៅលេខរៀងទី 7 ក្នុងក្របខណ្ឌក្រិច Super League៕