ប្រទេសសិង្ហបុរី ៖ លោកមេធាវី សាំង វណ្ណៈ ប្រធានគណៈមេធាវីនៃព្រះរាជាណាចក្រកម្ពុជា និងជាប្រធានគណៈកម្មាធិការជាតិនៃសមាគមច្បាប់អាស៊ានកម្ពុជា នាព្រឹក ថ្ងៃពុធ ៧រោច ខែកត្តិក ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១២ ខែវិច្ឆិកា ឆ្នាំ២០២៥ ដឹកនាំប្រតិភូគណៈមេធាវីចូលរួមកិច្ចប្រជុំក្រុមប្រឹក្សាភិបាលលើកទី៤៦របស់សមាគមច្បាប់អាស៊ាន នៅប្រទេសសិង្ហបុរី។

គួរបញ្ជាក់ថា កិច្ចប្រជុំនេះ ត្រូវបានរៀបចំជារៀងរាល់ឆ្នាំ ដោយមានការចូលរួមពីប្រទេសដែលជាសមាជិកសមាគមច្បាប់អាស៊ានកម្ពុជា ហើយឆ្នាំនេះកិច្ចប្រជុំនឹងត្រូវរៀបចំនៅថ្ងៃទី១៣ និងទី១៤ ខែវិច្ឆិកា នៅប្រទសសិង្ហបុរី ផ្តោតសំខាន់លើរបៀបវារៈមួយចំនួន ពាក់ព័ន្ធនឹងលទ្ធផលការងារដែលសម្រេចបាននាពេលកន្លងមក ក៏ដូចជាកំណត់អំពីផែនការសកម្មភាពផ្សេងៗសម្រាប់ឆ្នាំបន្ទាប់៕

ដោយ ៖ សិលា