ខេត្តកំពង់ស្ពឺ៖ ដោយបានការបញ្ជាដឹកនាំលោកឧត្ដម សេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ ស្តីពីការជម្រុញឱ្យជំនាញ-អធិការនគរបាលក្រុង ស្រុក ធ្វេីការស្រាវជ្រាវនិងឈានទៅធ្វេីការបង្រ្កាបលុបបំបាត់កាត់បន្ថយសកម្មភាពចែកចាយជួញដូរនូវសារធាតុញៀននៅក្នុងមូលដ្ឋាន ពិសេសបណ្ដាញជាជង្រុកនៃការផ្ដល់ទីតាំងនិងសម្រួលដល់ការប្រេីប្រាស់ឱ្យបាត់ពីមូលដ្ឋាន ។
នៅរសៀលថ្ងៃទី១២ ខែវិច្ឆិកា ឆ្នាំ២០២៥ មន្ត្រីនគរបាលនៃស្នងការដ្ឋាននគរបាលខេត្តកំពង់ស្ពឺឲ្យដឹងថា នៅថ្ងៃ ពុធ ៧រោច ខែកត្តិក ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី១២ ខែវិច្ឆិកា ឆ្នាំ២០២៥ វេលាម៉ោង ១០ និង៥០នាទីព្រឹក លោកវរសេនីយ៍ឯក យ៉ាង សុខលី អធិការនគរបាលស្រុកគងពិសី ដោយទទួលបានព័ត៍មានពីមហាជន ថា នៅចំណុចផ្ទះរបស់ឈ្មោះ សុខា ភេទប្រុស នៅជាប់វាលស្រែខាងកើត ក្នុងភូមិអង្គកន្ទច ឃុំស្នំក្រពើ ស្រុកគងពិសី លោកបានដឹកនាំនិងបញ្ជាឱ្យកំលាំងចុះស្រាវជ្រាវសហការជាមួយកំលាំងពាក់ព័ន្ធឃាត់ខ្លួនមុខសញ្ញាសង្ស័យបាន១នាក់ ឈ្មោះ បូ សុខា ភេទប្រុស អាយុ ៣៦ឆ្នាំ នៅភូមិអង្គកន្ទច ឃុំស្នំក្រពើ ស្រុកគងពិសី ខេត្តកំពង់ស្ពឺ ។
សមត្ថកិច្ចបានត្រួតពិនិត្យដកហូតបានម្សៅក្រាមសថ្លាសង្ស័យជាគ្រឿងញៀនចំនួន១៥កញ្ចប់តូច, ទូរស័ព្ទដៃ ២គ្រឿង និងឧបករណ៍វេចខ្ចប់ប្រើប្រាស់គ្រឿងញៀនមួយចំនួន។
អំពីមុខសញ្ញា នេះតាមការបញ្ជាក់និងការផ្ដល់គឺជាក្រុមមុខសញ្ញាចាស់និងមិនរាងចាល បច្ចុប្បន្នបានបញ្ជូនមកអធិករដ្ឋាននគរបាលស្រុកដេីម្បីបំពេញនីតិវិធី និងកសាងសំណុំរឿងចាត់ការតាមនិតិវិធី៕
