មន្ត្រីអារ៉ាប៊ីសាអូឌីត និងសហរដ្ឋអាមេរិកបានតម្កើងប្រាក់រាប់ពាន់លានដុល្លារក្នុងការវិនិយោគថ្មី និងការបង្កើនទំនាក់ទំនងហិរញ្ញវត្ថុរវាងប្រទេសទាំងពីរកាលពីថ្ងៃពុធ ស្របពេលជាមួយនឹងព្រះរាជទាយាទអារ៉ាប៊ីសាអូឌីត ព្រះអង្គម្ចាស់ Mohammed bin Salman បានធ្វើទស្សនកិច្ចលើកដំបូងទៅកាន់ទីក្រុងវ៉ាស៊ីនតោនចាប់តាំងពីឆ្នាំ 2018 ។

អង្គុយក្បែរលោក Trump ក្នុងសេតវិមាន ព្រះអង្គម្ចាស់ bin Salman កាលពីថ្ងៃអង្គារបានសន្យាថានឹងបង្កើនការវិនិយោគរបស់សហរដ្ឋអាមេរិកដល់ 1 ទ្រីលានដុល្លារលើសពីការសន្យា 600 ពាន់លានដុល្លារដែលគាត់បានធ្វើនៅពេលដែលលោក Trump បានធ្វើទស្សនកិច្ចនៅអារ៉ាប៊ីសាអូឌីតក្នុងខែឧសភា។ ប៉ុន្តែព្រះអង្គមិនបានផ្តល់ព័ត៌មានលម្អិត ឬកាលវិភាគឡើយ។

កាលពីថ្ងៃពុធ ប្រធានាធិបតី Donald Trump ដែលបាននិយាយនៅក្នុងវេទិកាធុរកិច្ច អាមេរិក-អារ៉ាប៊ីសាអូឌីត បានជំរុញព្រះអង្គ bin Salman ឱ្យបង្កើនខ្ពស់ជាងនេះ។ “តើអ្នកអាចរកវាបាន 1.5 ទ្រីលានដុល្លារទេ?” គាត់បានសួរ។

Trump និង bin Salman បានសាទរចំពោះកិច្ចព្រមព្រៀង និងការលក់ចំនួន 270 ពាន់លានដុល្លារដែលបានចុះហត្ថលេខារវាងក្រុមហ៊ុនរាប់សិបនៅឯសន្និសីទ Kennedy Center រួមទាំងការទិញដែលបានគ្រោងទុកចំនួន 600,000បន្ទះឈី (AI chips)  ពីក្រុមហ៊ុន Nvidia ដោយក្រុមហ៊ុន HUMAIN ដែលជាក្រុមហ៊ុន AI របស់ គាំទ្រដោយរដ្ឋាភិបាលអារ៉ាប៊ីសាអូឌីត។

xAI របស់លោក Elon Musk និង HUMAIN ក៏នឹងរួមគ្នាអភិវឌ្ឍមជ្ឈមណ្ឌលទិន្នន័យក្នុងប្រទេសអារ៉ាប៊ីសាអូឌីត រួមទាំងកន្លែងផលិតថាមពល 500 មេហ្គាវ៉ាត់ផងដែរ។

ដោយឡែកក្រុមហ៊ុន MP Materials បាននិយាយថា ខ្លួននឹងសាងសង់រោងចក្រចម្រាញ់រ៉ែកម្រនៅក្នុងប្រទេសអារ៉ាប៊ីសាអូឌីត ជាមួយក្រសួងការពារជាតិសហរដ្ឋអាមេរិក និងក្រុមហ៊ុនរុករករ៉ែរបស់រដ្ឋអារ៉ាប៊ីសាអូឌីត Maaden ដើម្បីពង្រីកការកែច្នៃរ៉ែសំខាន់ៗនៅមជ្ឈិមបូព៌ា។ ក្រុមហ៊ុនប្រេងយក្ស Saudi Aramco បាននិយាយថា ខ្លួនបានចុះហត្ថលេខាលើអនុស្សរណៈនៃការយោគយល់ និងកិច្ចព្រមព្រៀងចំនួន 17 ជាមួយក្រុមហ៊ុនធំៗរបស់សហរដ្ឋអាមេរិក ដែលមានតម្លៃសក្តានុពលជាង 30 ពាន់លានដុល្លារ៕