ក្រុមហ៊ុន Alphabet កំពុងស្ថិតនៅលើផ្លូវដែលអាចឈានដល់ការវាយតម្លៃទីផ្សារជាប្រវត្តិសាស្រ្តចំនួន 4 ទ្រីលានដុល្លារកាលពីថ្ងៃអង្គារ ដែលដំណើរការដោយការប្រមូលផ្តុំដ៏គួរឱ្យចាប់អារម្មណ៍រយៈពេលមួយឆ្នាំដោយសារការផ្តោតការយកចិត្តទុកដាក់យ៉ាងខ្លាំងរបស់ក្រុមហ៊ុនមេ Googleនេះ លើឧបករណ៍បញ្ញាសិប្បនិម្មិត។

ភាគហ៊ុនរបស់ក្រុមហ៊ុនបានកើនឡើង 4.1% នៅតម្លៃ 331.7 ដុល្លារក្នុងមួយហ៊ុនក្នុងការជួញដូរមុនផ្សារ ដោយធ្វើឱ្យក្រុមហ៊ុនឈានទៅដល់ចំណុចសំខាន់នៅពេលបើកទីផ្សារហ៊ុន។

ក្រុមហ៊ុនបច្ចេកវិទ្យាខាងស្វែងរក និងការផ្សាយពាណិជ្ជកម្មដ៏ធំចូលរួមជាមួយបណ្តាលក្រុមហ៊ុន បច្ចេកវិទ្យាយក្សជាច្រើនទៀត ដែលកំពុងប្រកួតប្រជែងដើម្បីគ្រប់គ្រងបច្ចេកវិទ្យាដែលកំពុងរីកចម្រើន ខណៈដែល AI បន្តទាក់ទាញភាគហ៊ុនខ្លាំងក្លានៅ Wall Street ឆ្នាំនេះ៕