ភ្នំពេញ៖ រថយន្ត ធុនដ្រា មួយគ្រឿងបានបេីកជ្រុលទៅបុកម៉ូតូ៣គ្រឿងដែលឈប់រង់ចាំភ្លើងស្តុបពីក្រោយបណ្តាលឲ្យរងការខូចខាតនិងមនុស្សរងរបួសតិចតួច ។
ហេតុការណ៍នេះបានកើតឡើងនៅវេលាម៉ោង៩និង៥០នាទីយប់ថ្ងៃទី២៦ ខែវិច្ឆិកា ឆ្នាំ២០២៥ នៅចំណុចភ្លើងស្តុបទួលទំពូង ផ្លូវម៉ៅសេទុង កែងផ្លូវ១៦៣ សង្កាត់បឹងកេងកងទី៣ ខណ្ឌបឹងកេងកង រាជធានីភ្នំពេញ ។
តាមប្រភពព័ត៌មានពីកន្លែងកើតហេតុ បានឲ្យដឹងថា មុនពេលកេីតហេតុគេបានឃើញម៉ូតូបីគ្រឿងក្នុងនោះមានម៉ាក ហុងដាឌ្រីម២គ្រឿង និងម៉ូតូម៉ាកស្គូពីពណ៌សមួយគ្រឿង ជិះដោយបុរសស្រី្ត៦នាក់តាមបណ្ដោយផ្លូវម៉ៅសេទុងក្នុងទិសដៅពីត្បូងទៅជើង លុះមកដល់ចំណុចកេីតហេតុបានឈប់ម៉ូតូរង់ចាំភ្លើងពណ៌បៃតង ហេីយគាប់ជួនពេលនោះក៏ស្រាប់តែមានបុរសម្នាក់បេីករថយន្តម៉ាក ធុនដ្រា ពណ៌ស ពាក់ស្លាកលេខ ភ្នំពេញ2Y-8238 ក្នុងទិសដៅស្របគ្នាជាន់ហ្រ្វ័ងមិនទាន់ក៏ជ្រុលទៅបុកពីក្រោយម៉ូតូបីគ្រឿងទាំងកំរោល បណ្ដាលឲ្យរងការខូចខាតម៉ូតូទាំង៣គ្រឿង ព្រមទាំងធ្វើឲ្យមនុស្សប្រុសស្រីទាំង៦នាក់នោះរបួសរលាត់ដៃជើងតិចតួចមិនបានទៅមន្ទីរពេទ្យនោះទេ ។
ករណីនេះផងដែរ ភាគីខាងរថយន្តបានចុះទៅសម្របសម្រួលគ្នាជាមួយខាងម៉ូតូភ្លាមៗ ដោយសងសំណង់ចំនួន១៦០ដុល្លារទៅភាគីម៉ូតូទាំង៣គ្រឿង បញ្ចប់រឿងតែម្តង ៕
ដោយ៖សុខាសែនជ័យ
