អ្នកមានឥទ្ធិពលលើបណ្តាញសង្គមជនជាតិប្រេស៊ីល-អាមេរិក និងជាសហគ្រិន Virginia Fonseca ដែលជាមិត្តស្រីរបស់តារាបាល់ទាត់ក្លឹប Real Madrid កីឡាករ Vinicius Jr. ត្រូវបានគេដាក់ឈ្មោះថា WAG(មិត្តស្រីឬភរិយារបស់កីឡាករល្បីៗ) ដែលមានជាងគេបំផុតនៅលើពិភពលោក។

Fonseca មានទ្រព្យសម្បត្តិរហូតដល់ 78 លានដុល្លារអាមេរិក ដែលរកបានតាមរយៈការវិនិយោគអចលនទ្រព្យ ការបណ្តាក់ទុនអាជីវកម្ម និងប្រព័ន្ធផ្សព្វផ្សាយសង្គម នេះបើយោងតាមទស្សនាវដ្តី Forbes ។

មានវ័យ26 ឆ្នាំដែលកើតនៅទីក្រុង Connecticut សហរដ្ឋអាមេរិក Fonsecaគឺជាអ្នកមានឥទ្ធិពលម្នាក់ក្នុងចំណោមអ្នកមានឥទ្ធិពលបំផុតលើបណ្តាញសង្គមរបស់ប្រទេសប្រេស៊ីល ដែលមានអ្នកតាមដាន 53 លាននាក់នៅលើ Instagram ។

Fonseca ថ្មីៗនេះបានបញ្ជាក់ពីទំនាក់ទំនងរបស់នាងជាមួយ Vinicius ប៉ុន្តែដំណាក់កាលដំបូងនៃស្នេហារបស់ពួកគេត្រូវបានសម្គាល់ដោយភាពចម្រូងចម្រាស។

ដំបូងឡើយ គូស្នេហ៍ទាំងពីរបានផ្អាកទំនាក់ទំនងរបស់ពួកគេនៅដើមខែតុលា បន្ទាប់ពី Fonseca បានរកឃើញថា Vinicius ត្រូវបានចោទប្រកាន់ថាបានផ្ញើសារទៅកាន់ស្ត្រីផ្សេងទៀត រួមទាំងតារាម៉ូដែលប្រេស៊ីល Anna Silva ផងដែរ។ រឿងអាស្រូវនេះបានជំរុញឱ្យខ្សែប្រយុទ្ធ Real Madrid ចេញសារសុំទោសជាសាធារណៈលើបណ្ដាញសង្គម។ អ្នកទាំងពីរបានដាក់ពាក្យចចាមអារ៉ាមនៅពីក្រោយពួកគេនៅចុងខែនោះ ដោយបានផ្សះផ្សាជាផ្លូវការជាមួយនឹងរូបថតរ៉ូមែនទិកជាច្រើនសន្លឹកដែលបានចែករំលែកពីដំណើរកម្សាន្តទៅកាន់ប្រទេសម៉ូណាកូ។ Fonseca បានរៀបការជាមួយតារាចម្រៀង Zé Felipe ប៉ុន្តែបានប្រកាសពីការបែកគ្នាក្នុងខែឧសភា ឆ្នាំ 2025 ភ្លាមៗបន្ទាប់ពីសម្រាលបានកូនទីបីរបស់ពួកគេ។

WAG ដែលមានជាងគេទី 2 យោងតាមទស្សនាវដ្តី Forbes គឺ Anna Lewandowska ភរិយារបស់ខ្សែប្រយុទ្ធ Robert Lewandowski របស់ Barcelona ជាមួយនឹងទ្រព្យសម្បត្តិ 63 លានដុល្លារពីអាជីវកម្មសុខភាពនិងកាយសម្បទារបស់នាង។ Antonela Roccuzzo ភរិយារបស់ Lionel Messi ជាប់ចំណាត់ថ្នាក់លេខ 3 ដែលមានទ្រព្យសម្បត្តិសរុបជាង 20 លានដុល្លារពីការបណ្តាក់ទុនជំនួញម៉ូដ និងគ្រឿងសំអាង ខណៈដែល Georgina Rodriguez ដែលជាគូដណ្តឹងរបស់ Cristiano Ronaldo មានទ្រព្យសម្បត្តិតិចតួចជាងប្រហែល 10 លានដុល្លារ៕