Flamengo បានឈ្នះពាន Copa Libertadores ជាលើកទីបួនរបស់ពួកគេជាមួយនឹងជ័យជម្នះ 1-0 លើ Palmeiras នៅកីឡដ្ឋាន Estadio Monumental កាលពីថ្ងៃសៅរ៍ ដែលជាការឈ្នះ7 ឆ្នាំ ជាប់ៗគ្នាដោយក្លឹបមកពីប្រេស៊ីលបានលើកពានរង្វាន់ក្លឹបដ៏ធំបំផុតនៅអាមេរិកខាងត្បូង។

Flamengo មានឱកាសល្អជាង ដោយមានការខិតខំប្រឹងប្រែងច្រើនព្យាយាមស៊ុតបញ្ចូលទីពីកីឡាករ Samuel Lino និង Bruno Henrique ខណៈដែលក្រុម Palmeiras ក៏ជិតរកបានគ្រាប់បាល់នៅពេលដែល Khellven បញ្ជូនបាល់យ៉ាងល្អទៅកាន់ Vitor Roque ។ យ៉ាង​ណា​មិញ ក្រុម​ទាំង​ពីរ​មិន​អាច​បង្កើត​ឱកាស​ជា​ច្រើន​ក្នុង​តង់​ទី​មួយ​ឡើយ។

បន្ទាប់ពីការសម្រាកតង់ទីមួយ Palmeiras បានបង្កើតសម្ពាធនៅពេលដែលការប៉ុនប៉ងស៊ុតរយៈចម្ងាយវែងរបស់ Joaquin Piquerez ត្រូវបានរារាំង។ ទោះជាយ៉ាងណាក៏ដោយ Flamengo បានឆ្លើយតបវិញជាមួយនឹងកីឡាករ Giorgian de Arrascaeta និង Leo Pereira ទាំងពីរបានឃើញការខិតខំប្រឹងប្រែងក្នុងចម្ងាយជិតតែត្រូវបានរារាំង។ គ្រាប់បាល់ទម្លុះសំណាញ់កើតឡើងនៅនាទីទី 67 ដោយកីឡាករ Danilo តែតបាល់បញ្ចូលទី។ 

ខ្សែការពារប្រេស៊ីលនេះបាននិយាយថា “ការប្រកួតវគ្គផ្តាច់ព្រ័ត្រទាំងអស់គឺពិបាក ហើយការប្រកួតនេះពិតជាស្វិតស្វាញណាស់។ ការស៊ុតបាល់បញ្ចូលទីជាមួយក្រុមដែលខ្ញុំស្រលាញ់ ខ្ញុំគ្មានពាក្យអ្វីនិយាយនោះទេ។”

ខ្សែប្រយុទ្ធ Jose El Flaco Lopez របស់ Palmeiras បាននិយាយថា “វាគឺជាការប្រកួតដ៏ស្វិតស្វាញមួយ។ វាជាថ្ងៃដ៏សោកសៅមួយ ប៉ុន្តែក្រុមជើងឯកត្រូវបានបង្កើតឡើងហើយ យើងនឹងសងសឹកយកពានវិញនៅកម្មវិធីលីគក្នុងស្រុក” ។

បច្ចុប្បន្ន Palmeiras ដេញតាមពីក្រោយក្រុមកំពូលតារាង Flamengo ដោយ 5 ពិន្ទុក្នុងតារាប្រេសុីល Serie A ដោយនៅសល់ពីរប្រកួតចុងក្រោយ៕