ប្រទេសឥណ្ឌូណេស៊ីកំពុងចាប់ផ្តើមយុទ្ធនាការទ្រង់ទ្រាយធំមួយដើម្បីកម្ទេចអណ្តូងរ៉ែមាសខុសច្បាប់ប្រហែល១ពាន់៤រយទីតាំង នៅក្នុងតំបន់ឧទ្យានជាតិ Mount Halimun Salak ក្នុងស្រុក Sukabumi ខេត្ត West Java ។

លោក Rudianto Saragih Napitu នាយកនៃក្រសួងព្រៃឈើឥណ្ឌូនេស៊ីសម្រាប់ការអនុវត្តបទល្មើសព្រៃឈើបាននិយាយថា សកម្មភាពរុករករ៉ែខុសច្បាប់គឺផ្តល់ផលប្រយោជន៍សម្រាប់តែអ្នកវិនិយោគប៉ុណ្ណោះ មិនមែនសម្រាប់ប្រជាជនក្នុងស្រុកដែលធ្វើការក្នុងអណ្តូងរ៉ែនោះទេ។

លោកបានបន្ថែមថា រដ្ឋាភិបាលកំពុងគាំទ្រភាពជាដៃគូវិជ្ជមាន ប៉ុន្តែមិនមែនជាការបំផ្លាញ និងការកេងប្រវ័ញ្ចធម្មជាតិនោះទេ។ 

ការជីកយករ៉ែមាសខុសច្បាប់ជារឿងធម្មតានៅក្នុងប្រទេសឥណ្ឌូនេស៊ី ដែលបណ្តាលឱ្យមានការកាប់បំផ្លាញព្រៃឈើ ការបំពុលទន្លេ និងការបាត់បង់ធនធានជាតិ។ ចំណុចក្តៅសម្រាប់ការជីកយករ៉ែមាសខុសច្បាប់ត្រូវបានប្រមូលផ្តុំនៅ Jambi, West Sumatra, West Kalimantan, Central Sulawesi តំបន់មួយចំនួននៅ Maluku និងឧទ្យានជាតិមួយចំនួនដូចជា Halimun Salak ជាដើម៕