ប្រទេសថៃប្រឈមនឹងបញ្ហា ធម្មជាតិអត់ចេះចប់ បន្ទាប់ពីគ្រោះរញ្ជួយដី ទឹកជំនន់ នៅពេលនេះប្រឈមនិងផ្សេងពុលនៅក្នុងបរិយាកាសវិញម្តង។ ធូលី PM2.5 របស់ប្រទេសថៃបានឡើងដល់កម្រិតគ្រោះថ្នាក់នៅទីក្រុងបាងកក ដែលជំរុញឱ្យអាជ្ញាធរធ្វើឱ្យប្រព័ន្ធជូនដំណឹងតាមទូរស័ព្ទសកម្ម។

ទីភ្នាក់ងារអភិវឌ្ឍន៍បច្ចេកវិទ្យាព័ត៌មានភូមិសាស្ត្ររបស់ប្រទេសថៃ (GISTDA) បានព្រមាននៅថ្ងៃទី 1 ខែធ្នូថា ធូលី PM2.5 បានកើនឡើងយ៉ាងខ្លាំងនៅទូទាំងប្រទេស។ ខេត្តចំនួនប្រាំស្ថិតនៅក្នុងតំបន់ក្រហម ដែលលើសពីកម្រិតសុវត្ថិភាព និងបង្កហានិភ័យធ្ងន់ធ្ងរដល់ប្រព័ន្ធផ្លូវដង្ហើម ខណៈដែលខេត្តចំនួន 41 ស្ថិតនៅក្នុងតំបន់ពណ៌ទឹកក្រូច មានន័យថាកម្រិតនៃការបំពុលកំពុងចាប់ផ្តើមប៉ះពាល់ដល់ក្រុមងាយរងគ្រោះ។
នៅទីក្រុងបាងកក GISTDA បានកត់ត្រាស្រុកចំនួន 48 ដែលមានកម្រិត PM2.5 លើសពីកម្រិតក្រហម។ ទន្ទឹមនឹងនេះ មជ្ឈមណ្ឌលព័ត៌មានគុណភាពខ្យល់របស់រដ្ឋាភិបាលក្រុងបានកត់ត្រាកំហាប់ PM2.5 ជាមធ្យម 45 µg/m3 នៅម៉ោង 7 ព្រឹក ថ្ងៃទី 1 ខែធ្នូ ដែលលើសពីស្តង់ដារជាតិ 37.5 µg/m3 ហើយបានព្រមានថាកំហាប់ធូលីល្អិតៗអាចកើនឡើងបន្ថែមទៀត។
នាយកដ្ឋានត្រួតពិនិត្យការបំពុល (PCD) បានចាប់ផ្តើមប្រើប្រាស់ប្រព័ន្ធជូនដំណឹងតាមទូរស័ព្ទចល័តដើម្បីព្រមានប្រជាជនទីក្រុងបាងកកអំពីកម្រិត PM2.5 ខ្ពស់។ រដ្ឋាភិបាលទីក្រុងបាងកកបានព្យាករណ៍ថាស្ថានភាពធូលីដីល្អិតៗនឹងអូសបន្លាយរហូតដល់ថ្ងៃទី 3 ខែធ្នូ ដោយណែនាំប្រជាជនឱ្យពាក់ម៉ាស់នៅពេលចេញទៅក្រៅ ហើយអ្នកដែលមានជំងឺប្រចាំកាយត្រូវស្នាក់នៅក្នុងផ្ទះ និងចៀសវាងសកម្មភាពក្រៅផ្ទះ៕

រូប​ថត​:vnexpress