ប្រទេសម៉ាឡេស៊ីកំពុងធ្វើការដើម្បីទទួលបានចំណែកទីផ្សារប្រេងដូងរបស់ប្រទេសចិនឡើងវិញបន្ទាប់ពីការនាំចេញទៅកាន់ប្រទេសនោះបានធ្លាក់ចុះជិត 39% ពីមួយឆ្នាំទៅមួយឆ្នាំក្នុងរយៈពេល 10 ខែដំបូងនៃឆ្នាំ 2025។

លោក Datuk Seri Johari Abdul Ghani រដ្ឋមន្ត្រីចំការ និងទំនិញរបស់ប្រទេសម៉ាឡេស៊ី បានចាត់ទុកផ្នែកនៃការធ្លាក់ចុះបណ្តាលមកពីការប្រឈមផ្នែកដឹកជញ្ចូន និងការកើនឡើងតម្លៃប្រេងដូងដែលបានលើសពីប្រេងសណ្តែកសៀង ដែលធ្វើឲ្យវាក្លាយជាជម្រើសជាទីពេញចិត្តសម្រាប់អ្នកទិញចិន។

លោកបានមានប្រសាន៍ថា ប្រទេសចិនគឺជាទីផ្សារដ៏សំខាន់ និងជាយុទ្ធសាស្ត្រសម្រាប់ម៉ាឡេស៊ី ដោយរក្សាជំហររបស់ខ្លួនជាគោលដៅនាំចេញប្រេងដូងកំពូលរបស់ប្រទេសអស់រយៈពេលជាងមួយទសវត្សរ៍មកហើយ ដោយកត់សម្គាល់ថាការធ្លាក់ចុះយ៉ាងខ្លាំងបង្ហាញពីបញ្ហាប្រឈមកាន់តែជ្រៅដែលទាក់ទងនឹងការប្រកួតប្រជែង និងការដឹកជញ្ជូនប៉ុណ្ណោះទេ ប៉ុន្តែថែមទាំងចំពោះសក្ដានុពលតម្លៃ និងទីតាំងទីផ្សារផងដែរ។

លោកបានបន្ថែមថា ប្រទេសម៉ាឡេស៊ីនឹងបន្តរក្សាគោលនយោបាយនាំចេញប្រកបដោយតម្លាភាព និងអាចព្យាករណ៍បាន ដើម្បីធានាថាសកម្មភាពរបស់ខ្លួនមិនរំខានដល់ផលប្រយោជន៍របស់ដៃគូពាណិជ្ជកម្មសំខាន់ៗរបស់ខ្លួន៕