ភ្នំពេញ៖លោកប៉ិលកុសលអភិបាលខណ្ឌសែនសុខនិងលោកតាន់ ណាវិនចៅសង្កាត់ទឹកថ្លាដឹកនាំកម្លាំងមន្ត្រីក្រោមឱវាទចុះសំណេះសំណាលនិងធ្វើការណែនាំដល់បងប្អូនអាជីវករលក់ដូរនៅផ្សារនាៗក្នុងសង្កាត់ទឹកថ្លាកាលពីម៉ោង០៩និង៣០នាទីព្រឹកថ្ងៃទី១០កញ្ញា២០១៦នៅក្នុងសង្កាត់ទឹកថ្លា ខណ្ឌសែនសុខ រាជធានី ភ្នំពេញ។
លោកប៉ិល កុសល អភិបាលខណ្ឌសែនសុខបានមានប្រសាសន៍ថាការចុះសំណេះសំណាលថ្ងៃនេះគឺមានការចូលរួមពីសំណាក់ខាងលោកអភិបាលរងចៅសង្កាត់មេភូមិនិងបងប្អូនអាជីវករដែលលក់ដូរក្នុងផ្សារផងនិងបានណែនាំបងប្អូនអាជីវករទាំងអស់សូមកុំយកចិញ្ចើមផ្លូវសារធារណៈប្រកបអាជីវកម្មព្រោះនាំអោយមានការកកស្ទះចរាចណ៍ប៉ះពាល់ដល់សណ្តាប់ធ្នាប់របៀបរៀបរយនិងសោភ័ណ្ឌភាពរាជធានី។
លោកបានបញ្ជាក់បន្ថែមទៀតថាសាលារាជធានីបានខិតខំពង្រីកផ្លូវដាក់ប្រព័ន្ធលូគឺ ក្នុងគោលបំណងសម្រួលការកកស្ទះជាពិសេស ចង់អោយនៅទូទាំងរាជធានីពោរពេញទៅដោយសោភ័ណ្ឌភាពល្អជាទីគយគន់ទាំងភ្ញៀវជាតិ និងអន្តរជាតិ ដូច្នេះសូមបងប្អូនទាំងអស់យោគយល់ និងអនុគ្រោះសហការល្អជាមួយអាជ្ញាធរមិនយកចិញ្ចើមផ្លូវសារធា រណះមកធ្វើអាជីវកម្មផ្ទាល់ខ្លួន និងស្ម័គ្រចិត្ត រុះរើខិតទៅខាងក្រោយដោយអោយទុកចិញ្ចើម ផ្លូវសំរាប់បងប្អូនដើរថ្មើជើងផង៕
ដោយតុង សីហា
