ភ្នំពេញ ៖ យុវជនម្នាក់បានស្លាប់ ភ្លាមៗយ៉ាងអាណោចអាធ័មបន្ទាប់ពីទៅដេកនៅលេីផ្លូវរថភ្លើង ត្រូវបានរថភ្លើងបេីកិនកាលពីវេលាម៉ោង៩ នឹង១០នាទីយប់ ថ្ងៃទី០៧ ខែធ្នូ ឆ្នាំ២០២៥ ស្ថិតតាមបណ្ដោយផ្លូវរថភ្លើង ភូមិបុរី១០០ខ្នង សង្កាត់ទឹកថ្លា ខណ្ឌសែនសុខ រាជធានីភ្នំពេញ។
ប្រភពពីប្រជាពលរដ្ឋបានអោយដឹងថា មុនកើតហេតុ ពួកគាត់បានឃើញរថភ្លើងមួយខ្សែធ្វើដំណើរគោលដៅឆ្ពោះចូលទៅកាន់កន្លែងចំណត ។ លុះពេលមកដល់ចំណុចកើតហេតុ ក៏ស្រាប់តែឈប់នៅស្ងៀម មួយសន្ទុះធំ ភ្លាមៗ ពួកគាត់ឆ្ងល់បានដើរមកមើល ចង់ដឹងថាហេតុអ្វីបានឈប់ ទាំងដែលមិនទាន់ទៅដល់ចំណត ។ ស្របពេលប្រជាពលរដ្ឋ ដើរទៅដល់ក្បែរផ្លូវរថភ្លើង បែរជាប្រទះឃើញ សាកសពយុវជនម្នាក់ បានដាច់ខ្លួនជា ២កំណាត់ ស្លាប់យ៉ាងអនោចអធ័មក្រោមរថភ្លើង ។
ក្រោយពេលកេីតហេតុខាង រថភ្លើងបានទាញយកសពជនរងគ្រោះចេញពីក្រោមរថភ្លើង រួចបេីកចេញពីកន្លែងហេតុទៅចំណត ។ ចំណែកឯសពជនរងយកទៅតម្កល់នៅវត្តក្បែរនោះជាបណ្ដោះអាសន្នដេីម្បីស្វែងរកសាច់ញាតិ ៕ ដោយ៖សុខាសែនជ័យ
