ស្តេចប្រដាល់របស់ហ្វីលីពីន Manny Pacquiao ធ្លាប់ធ្វើការទទួលបានប្រាក់ត្រឹមតែ 4 ដុល្លារក្នុងមួយថ្ងៃមុនក្លាយទៅជាអ្នកប្រដាល់ដែលធ្វើឱ្យគាត់រកបានរាប់លានដុល្លារ។
Pacquiao ត្រូវបានគេជឿថាអាចរកចំណូលបានជាង500លានដុល្លារ (375 លានផោន) ពេញមួយអាជីពរបស់គាត់។
ប៉ុន្តែម្ចាស់ជើងឯកទាំងប្រាំបីស្ថាប័ននេះក៏បានប្រឹងប្រែង ផ្តួលភាពក្រីក្រក្នុងប្រទេសហ្វីលីពីន ដោយបានប្ដេជ្ញាចិត្តផ្តល់សប្បុរសធម៌ដូចការប្រដាល់ផងដែរ។
គាត់បានបរិច្ចាគដល់ធនាគារអាហារ អង្គការសប្បុរសធម៌មហារីក និងការសាងសង់គម្រោងលំនៅឋានផ្ទាល់ខ្លួនរបស់គាត់ដើម្បីសាងសង់កន្លែងស្នាក់នៅដល់អ្នកក្រីក្រ។
Pacquiao សើចបន្តិចក្នុងបទសម្ភាសអង្គុយជាមួយសារព័ត៌មាន SunSport នៅពេលដែលគាត់ទទួលស្គាល់ថាបានបាត់បង់បប្រាក់ច្រើនដែលគាត់បានផ្តល់ឱ្យទៅសប្បុរសធម៌។
នៅឆ្នាំ 2022 Pacquiao បានសាងសង់ភូមិផ្ទាល់ខ្លួនរបស់គាត់ជាមួយនឹងផ្ទះចំនួន 200 សម្រាប់អ្នកគ្មានផ្ទះសម្បែងនៅ Alabel ដែលជារដ្ឋធានីនៃខេត្ត Sarangani ។
Pacquiao ដែលមានការងារធ្វើនៅហាងនំប៉័ងក្នុងតម្លៃ 4 ដុល្លារ (3 ផោន) ក្នុងមួយថ្ងៃបាននិយាយថា “ខ្ញុំមានអាយុ ១៦ ឆ្នាំកាលពីពេលនោះ។ ខ្ញុំត្រូវធ្វើការខណៈខ្ញុំកំពុងប្រកបអាជីពប្រដាល់ព្រោះខ្ញុំគ្មានលុយទិញអាហារ។ អាហារជារៀងរាល់ថ្ងៃ វាមិនអាចពន្យល់បានពីការលំបាកដែលខ្ញុំបានធ្វើកាលពីក្មេង។ ខ្ញុំបានធ្វើការនៅការដ្ឋានសំណង់មួយផងដែរ។ខ្ញុំធ្វើការសំណង់ ខ្ញុំធ្វើការនៅហាងនំប៉័ង អ្វីៗដូចនោះ ហើយបន្ទាប់ពីការងារសំណង់ ខ្ញុំទៅហាត់ប្រាណ និងហហាត់ប្រដាល់។ ហើយគេងភ្ញាក់ពីព្រលឹមហើយព្រឹកឡើង ខ្ញុំត្រូវដើរ ក្រោកឡើងរត់ ហើយបបន្ទាប់ពីរត់ខ្ញុំទៅធ្វើការសំណង់។”
Pacquiao បានចាប់ផ្តើមប្រដាល់អាជីពតាំងពីគាត់មានអាយុ១៦ឆ្នាំដល់បច្ចុប្បន្នជាង២០ឆ្នាំហើយ ដើម្បីផ្តល់ជីវភាពកាន់តែប្រសើរសម្រាប់គ្រួសារ និងអ្នកដទៃនៅក្នុងប្រទេសកំណើតរបស់គាត់។
គាត់មានកូនប្រុសអាយុ 24 ឆ្នាំរបស់គាត់ឈ្មោះ Emmanuel Jr ដែលមានឈ្មោះហៅក្រៅថា Jimuel បានចាប់ផ្តើមប្រដាល់ដូចគាត់។
ដំបូងឡើយ Pacquiao បានចូលនិវត្តន៍នៅឆ្នាំ 2021 បន្ទាប់ពីចាញ់ Yordenis Ugas ប៉ុន្តែគាត់បានត្រលប់មកវិញក្នុងខែកក្កដា ដើម្បីជួប Mario Barrios ដណ្ដើមខ្សែក្រវាត់ WBC៕
