ភ្នំពេញ៖ នារីម្នាក់បានបេីករថយន្តម៉ាកGACជ្រុលទៅបុកនិងម៉ូតូ ហុងដាឌ្រីមដែលជិះដោយបុរស២នាក់ នៅផ្លូវបំបែកជាបួនបណ្ដាលឲ្យរងរបួសធ្ងន់ស្រាល ។
ហេតុការណ៍នេះបានកើតឡើងនៅវេលាម៉ោង១១និង៥០នាទីយប់ថ្ងៃទី២៣ខែធ្នូឆ្នាំ២០២៥ ចំនុចផ្លូវ២៦១កែងផ្លូវ១៥៦ សង្កាត់ទឹកល្អក់ទី២ ខណ្ឌទួលគោក ។
តាមប្រភពព័ត៌មាន ពីកន្លែងកើតហេតុ បានអោយដឹងថា មុនពេលកេីតហេតុ គេបានបានបុរស២នាក់ បានជិះម៉ូតូម៉ាក ហុងដាឌ្រីម ពណ៌ខ្មៅ ពាក់ស្លាកលេខ ភ្នំពេញ 1IU 8504 ជិះធ្វើដំណើរតាមបណ្ដោយផ្លូវ ២៦១ ទិសដៅពីជេីងទៅត្បូង លុះមកដល់ចំណុចកេីតហេតុ ដែលជាផ្លូវបំបែកជាបួន ក៍ស្រាប់តែនារីវ័យក្មេង២នាក់រួមទាំងអ្នកបេីកបរ បានបេីករថយន្តម៉ាក GAC GS4 ពាក់ស្លាកលេខ ភ្នំពេញ 2CH 7008បានបេីកធ្វើដំណើរតាមបណ្ដោយផ្លូវ ១៦៥ទិសដៅពីលិចទៅកេីត ល្បឿនលឿនព្រមទាំងខ្វះការប្រុងប្រយ័ត្នដូចគ្នា ក៍ជ្រុលទៅបុកនិងម៉ូតូយ៉ាងពេញទំហឹង បណ្ដាលឲ្យដួលអូសខ្ទាតជាច្រើនម៉ែត្រ ព្រមទាំងធ្វើឲ្យបុរសនាក់បេីកម៉ូតូ របួសបែកក្បាលហូរឈាមសន្លប់ស្ដូកស្ដឹង ត្រូវបានបញ្ជូនទៅសង្គ្រោះនៅមន្ទីរពេទ្យព្រះកុសមៈហៅពេទ្យលោកសង្ឃដោយឡែកបុរសអង្គុយខាងក្រោយរងរបួសតិចតួច មិនបានទៅមន្ទីរពេទ្យនោះទេ ។
ដោយឡែកខាងរថយន្តវិញ រងការខូចខាតផ្នែកខាងមុខចំហៀងខាងឆ្វេង តែមិនគ្រោះថ្នាក់ដល់មនុស្សនោះទេ គ្រាន់តែអ្នកបេីកបរត្រូវសមត្ថកិច្ចឃាត់ប្រគល់អោយផ្នែកជំនាញចរាចរណ៍ធ្វើការបន្ត ។
ករណីនេះមិនអាចដោះស្រាយគ្នាបាន មធ្យោបាយទាំងអស់ត្រូវសមត្ថកិច្ចជំនាញចរាចរណ៍ផ្លូវគោក វាស់វែងយកទៅរក្សាទុកនៅការិយាល័យនគរបាលចរាចរណ៍ផ្លូវគោក រងចាំដំណោះស្រាយ ៕
ដោយ៖សុខាសែនជ័យ
