ភ្នំពេញ៖ សម្តេចកិត្តិសង្គហបណ្ឌិត ម៉ែន សំអន ប្រធានគណៈកម្មាធិការកណ្តាលសមាគមនារីកម្ពុជា ដើម្បីសន្តិភាព និងអភិវឌ្ឍន៍ បាននាំយកស្បៀងនិងអាហារ ប្រគល់ជូនដល់រដ្ឋបាលខេត្តស្ទឹងត្រែង ដើម្បីចូលរួមចំណែកដល់ជួយសមរភូមិជួរមុខ និងជួយដល់ជនភៀសសឹក នារសៀល ថ្ងៃអង្គារ កើត ខែបុស្ស ឆ្នាំម្សាញ់ សប្តស័ក ព.ស.២៥៦៩ ត្រូវនឹង ថ្ងៃទី២៣ ខែធ្នូ ឆ្នាំ២០២៥។
អំណោយដែលបានប្រគល់ជូនរដ្ឋបាលខេត្តស្ទឹងត្រែងក្នុងថ្ងៃនេះ រួមមាន៖ អង្ករ២តោន‚ អំបុក១០០គីឡូក្រាម ‚ អំបុកជាមួយសាច់គោងៀត ៥០០កញ្ចប់‚ មីរូបខ្លាឃ្មុំ១០០កេស‚ នំទាហាន ៥កេស‚ ទឹកផ្លែឈើ ១០០កេស‚ ម៉ាស់ការពារផ្សែងពុល២០០ ម៉ាស‚វ៉ែនតាការពារផ្សែងពុល១០០‚ គ្រាប់ជីស្ងួត ៥០០ដប‚ ភេសជ្ជៈឆាមពាន ១០០កេស‚ អាវ២០កេស‚ ខ្ទឹមស ១០០គីឡូក្រាម‚កាហ្វេ ២កេសធំ‚ ទឹកសុទ្ធ ១០០កេស‚ ឆៃប៉ូវ ២០០គីឡូក្រាម និងថិវកា ១០លានរៀល។
ឆ្លៀតក្នុងឱកាសនោះ លោក សរ ពុត្រា ក៏បានអរគុណចំពោះ សម្តេចកិត្តិសង្គហបណ្ឌិតដែលបានចំណាពេលវេលាដ៏មានតម្លៃក្នុងការនាំយកអំណោយជាស្បៀងមកជួយដល់រដ្ឋបាល ខេត្តស្ទឹងត្រែង សើម្បិអាជ្ញាធរ ខេត្ដយើងនិងធ្វើការបែងចែក ទៅតាមគោលដៅសំខាន់ៗ ជនភៀសសឹក ពិសេស គោលដៅវីរៈកងទ័ពយើងកំពុងឈរជើងយ៉ាងរឹងមាំការពារបូរណៈភាពទឹកដី នៃមាតុភូមិកម្ពុជារបស់យើង ៕
ដោយ សំរិត
