ខេត្តកណ្ដាល÷ មន្ត្រីនគរបាល នៃអធិការដ្ឋាននគរបាលស្រុកអង្គស្នួលបានឲ្យដឹងនៅព្រឹក ថ្ងៃទី២៧ ខែធ្នូ ឆ្នាំ ២០២៥នេះថា កម្លាំងនគរបាលបានបង្ក្រាបករណីជួញ ដូរ រក្សាទុក និងប្រេីប្រាស់ដោយខុសច្បាប់នូវសារធាតុញៀន(ម៉ាទឹកកក)ដោយឃាត់ជនសង្ស័យ២នាក់។
មន្ត្រីខាងលើឲ្យដឹងថា នៅថ្ងៃទី២៦ ខែធ្នូឆ្នាំ២០២៥វេលា ម៉ោង១៦និង២០នាទីនៅចំណុចផ្លូវបេតុង ភូមិព្រៃទន្លាប់ ឃុំបែកចាន ស្រុកអង្គស្នួល សមត្ថកិច្ចបានឃាត់ខ្លួនជន សង្ស័យចំនួន០២នាក់ ប្រុស ឃាត់ខ្លួន មានសារធាតុញៀនក្នុងទឹកនោម(+)
១-ឈ្មោះ ធួក រតនៈ ហៅតឿ ភេទប្រុស អាយុ២៩ឆ្នាំ ជនជាតិខ្មែរ មុខរបរមិនពិតប្រាកដ រស់នៅភូមិទួលស្រម៉ ឃុំពេីក ស្រុកអង្គស្នួល ខេត្កកណ្តាល មុខសញ្ញាជួញដូរប្រហែល ១ខែ និងប្រើប្រាស់ច្រេីនលេីកប្រហែល០៤ឆ្នាំធ្លាប់ជាប់ពន្ធនាគារខេត្តពោធិ៍សាត់០១លេីក រយៈពេល៣ឆ្នាំ៣ខែ បទជួញដូរនិងប្រេីប្រាស់ដោយខុសច្បាប់នូវសារធាតុញៀន និង២-ឈ្មោះ រី ចំរេីន ហៅបញ្ញា ភេទប្រុស អាយុ១៧ឆ្នាំ ជនជាតិខ្មែរ មុខរបរមិនពិតប្រាកដ រស់នៅភូមិទួលស្រម៉ ឃុំពេីក ស្រុកអង្គស្នួល ( ជួញដូរប្រហែល១ខែ និងប្រើប្រាស់ច្រេីនលេីកប្រហែល២ខែ)។
នៅក្នុងប្រតិបត្តិការនេះសមត្ថកិច្ចដករហូតវត្ថុតាង÷ម្សៅក្រាមសថ្លាសង្ស័យថាជាសារធាតុញៀន(ម៉ាទឹកកក)១ កញ្ចប់មធ្យមទម្ងន់២,៧៦ក្រាម,-ទូរស័ព្ទ០១គ្រឿង ម៉ាក itel ពណ៌ទឹកប្រាក់-ឧបករណ៍ប្រើប្រាស់គ្រឿងញៀន មួយចំនួន។
មន្ត្រីខាងលើឲ្យដឹងថា នៅមុនពេលកេីតហេតុ កម្លាំងប៉ុស្តិ៍នគរបាលរដ្ឋបាលបែកចាន បានទទួលព័ត៌មានពីមហាជនល្អថាមានមុខសញ្ញាជួញដូរដោយខុសច្បាប់នូវសារធាតុញៀន នៅចំណុចភូមិព្រៃទន្លាប់ ឃុំបែកចាន ។ ក្រោយពីទទួលព័ត៌មានបាន កម្លាំងប៉ុស្តិ៍បានចុះទៅដល់កន្លែងកេីតហេតុ ស៊េីបអង្កេតស្រាវជ្រាវបង្ក្រាបឃាត់ខ្លួនជនសង្ស័យបាន២នាក់ ដកហូតម្សៅក្រាមសថ្លាសង្ស័យថាជាសារធាតុញៀន(ម៉ាទឹកកក)០១កញ្ចប់មធ្យម និងឧបករណ៍ប្រើប្រាស់គ្រឿងញៀនមួយចំនួនរួចបញ្ជូនមក កាន់អធិការដ្ឋាននគរបាលស្រុក ដេីម្បីសួរនាំបន្តនីតិវិធី។
ចំពោះមុខសមត្ថកិច្ច ជនសង្ស័យទាំង២នាក់បានឆ្លេីយ សារភាពថា ពួកខ្លួនបានទៅទិញថ្នាំញៀនម៉ាទឹកកក១ កញ្ចប់មធ្យម ក្នុងតម្លៃ១២ម៉ឺនរៀល យកទៅរំលែកលក់បន្តនិងប្រេីប្រាស់ជាមួយគ្នា។ ចំពោះករណីនេះ កម្លាំងផ្នែកជំនាញកំពុងកសាងសំណុំរឿងចាត់ការតាមនីតិវិធី ៕
