កីឡាករប្រដាល់ Anthony Joshua បានរងរបួសក្នុងគ្រោះថ្នាក់ចរាចរណ៍នៅប្រទេសនីហ្សេរីយ៉ា ដែលបណ្តាលឲ្យមនុស្សពីរនាក់ផ្សេងទៀតស្លាប់។

Joshua អាយុ 36 ឆ្នាំបាននៅក្នុងឡានម៉ាក Lexus Jeep នៅពេលដែលវាបានបុកឡានដឹកទំនិញដែលកំពុងឈប់នៅម៉ោង 11 ព្រឹកនៅលើផ្លូវល្បឿនលឿន Lagos-Ibadan ក្នុងទីក្រុង Makun ។

វីដេអូដែលបង្ហោះតាមប្រព័ន្ធអ៊ីនធឺណែត បង្ហាញពីអតីតអ្នកប្រដាល់ជើងឯកពិភពលោកទម្ងន់ធ្ងន់រូបនេះ ស្លៀកពាក់ខោអាវ ហើយមើលទៅងឿងឆ្ងល់ ខណៈដែលគាត់អង្គុយក្នុងរថយន្តដែលខូច ក្នុងចំណោមកញ្ចក់ដែលបែកខ្ទេចខ្ទី។

ក្រោយមកគេឃើញគាត់អង្គុយនៅកៅអីខាងមុខនៃរថយន្តសង្គ្រោះបន្ទាន់ដោយនិយាយទៅកាន់មន្ត្រីប៉ូលីស។ មានសេចក្តីរាយការណ៍ថា កីឡាករ Joshua បានរងរបួសស្រាល ហើយត្រូវបានគេបញ្ជូនទៅមន្ទីរពេទ្យ។ មនុស្សពីរនាក់ផ្សេងទៀតត្រូវបានគេប្រកាសថាស្លាប់នៅនឹងកន្លែងកើតហេតុ។

ពេលនោះមានមនុស្ស 4 នាក់នៅក្នុងរថយន្ត Lexus ខណៈដែលសន្តិសុខរបស់គាត់បានតាមពីក្រោយក្នុងរថយន្តដាច់ដោយឡែកមួយ។ សាក្សីម្នាក់បានប្រាប់កាសែត Punch ថា “វាគឺជាក្បួនរថយន្តពីរគឺ Lexus SUV និង Pajero SUV ។

កីឡាករទម្ងន់ធ្ងន់រូបនេះមានដើមកំណើតជាគ្រួសារនៅ Sagamu ទីប្រជុំជនក្នុងរដ្ឋ Ogun ប្រទេសនីហ្សេរីយ៉ា ហើយមានស្នាមសាក់អាហ្រ្វិកនៅលើស្មាស្តាំរបស់គាត់។

Joshua ត្រូវបានគេរំពឹងថានឹងប្រកួតនៅទីក្រុង Riyadh ប្រទេសអារ៉ាប៊ីសាអូឌីតក្នុងខែកុម្ភៈឆ្នាំក្រោយបន្ទាប់ពីការផ្តួល  Jake Paul ដែលជា YouTuber ក្នុងទឹកទីប្រាំមួយនៅ Miami ក្នុងខែនេះ។

Joshua បានកើបលុយដាក់ហោប៉ៅ 70 លានផោនពីការប្រយុទ្ធរបស់គាត់ជាមួយ Paul ដែលត្រូវបានមើលដោយមនុស្សជាង 30 លាននាក់នៅលើ Netflix៕