លោក Alexander Nouri អតីតអ្នកចាត់ការទូរទៅក្លឹបបាល់ទាត់នៅក្របខណ្ឌកំពូលអាល្លឺម៉ង់ BUNDESLIGA បានផ្លាស់ប្តូរអាជីពដ៏គួរឱ្យចាប់អារម្មណ៍ពីគ្រូបង្វឹកទៅគ្រប់គ្រងភោជនីយដ្ឋាន McDonalds ចំនួនពីរកន្លែង។

ក្រោយលេងបាល់ទាត់អស់រយៈពេល14ឆ្នាំ លោក Nouri វ័យ46ឆ្នាំសញ្ជាតិ អាល្លឺម៉ង់-អ៊ីរ៉ង់ បានផ្លាស់ទៅធ្វើជាគ្រូបង្វឹកបាល់ទាត់។

គាត់បានគ្រប់គ្រងក្លឹបកុមារភាព Werder Bremen និង FC Ingolstadt ហើយក្រោយមកត្រូវបានតែងតាំងជាអ្នកគ្រប់គ្រងបណ្តោះអាសន្នរបស់ Hertha Berlin ។

ជាមួយនឹងក្លឹបកុមារភាព Werder គាត់ត្រូវបានប្រគល់ភារកិច្ចឱ្យដឹកនាំក្លឹបជៀសវាងការកាត់ចោល។

គាត់បានដឹកនាំ 11 ប្រកួតមិនដែលចាញ់រួមទាំងការឈ្នះ 9 លើកប៉ុន្តនៅតែមិនបានលេងការប្រកួតបាល់ទាត់អឺរ៉ុបខកខានពិន្ទុតែបន្តិចបន្តួច។

ទោះបីជាយ៉ាងណាក៏ដោយ គាត់បានបរាជ័យក្នុងការឈានដល់កម្រិតដូចគ្នា ពេលកាន់តួនាទីគ្រូបង្វឹកបាល់ទាត់ចុងក្រោយបំផុតរបស់គាត់នៅឆ្នាំ 2022 ជាមួយក្រុមក្រិក Kavala ដោយ លោក Nouri បានផ្លាស់ប្តូរយ៉ាងខ្លាំងនៅក្នុងការគ្រប់គ្រង។

ចាប់ពីខែមករា ឆ្នាំ 2026 គាត់នឹងទទួលបន្ទុកភោជនីយដ្ឋាន McDonalds ចំនួនពីរនៅ Herzogenrath ដែលជាទីក្រុងតូចមួយនៅ North Rhine-Westphalia ប្រទេសអាល្លឺម៉ង់ និង Kohlscheid ដែលនៅជិតខាងគ្នា។

លោក Nouri បាននិយាយថា “ទីបំផុត មនុស្សម្នាក់ស្ថិតនៅពិភពលោកទាំងពីរផ្សេងគ្នា។ នៅក្នុងបាល់ទាត់ ខ្ញុំគឺជាកីឡាករ នៅទីនេះ ខ្ញុំគឺជាបុគ្គលិក”៕