ភ្នំពេញ៖ សពបុរសម្នាក់ត្រូវបានបងប្អូនប្រជាពលរដ្ឋប្រទះឃេីញដេកស្លាប់ក្នុងដីឡូត៍មួយកន្លែងដោយមានស្នាមរបួសពេញខ្លួន បង្កការភ្ញាក់ផ្អេីលកាលពីវេលាម៉ោង៩ព្រឹក ថ្ងៃទី១១ ខែខែមករា ឆ្នាំ ២០២៦ ស្ថិតនៅភូមិទួលពង្រ សង្កាត់ ចោមចៅ ទី១ ខណ្ឌ ពោធិ៍ សែន ជ័យ រាជធានី ភ្នំពេញ។
សពបុរសខាងលេីមិនទាន់ស្គាល់អត្តសញ្ញាណនៅឡេីយទេ មានមាឌធំពាក់អាវខ្មៅដៃវែងស្លៀកខ្មៅជេីងវែងអាយុប្រហែលជាង៤០ឆ្នាំ ។
តាមប្រភពព័ត៌មានបានឲ្យដឹងថា មុនកេីតហេតុមានបងប្អូនប្រជាពលរដ្ឋធ្វេីដំណេីរឆ្លងកាត់ក៏ប្រទះឃេីញជនរងគ្រោះដេកក្បែររបងក្នុងដីឡូត៍ខាងលេីខណៈដេីរចូលទៅមេីលឃេីញមានស្នាមរបួសឈាមពេញខ្លួន និងឃេីញមានដំថ្ម៤ ៥ដុំនៅក្បែរនោះដែរ ភ្លាមក៏រាយការណ៍ទៅអាជ្ញាធរមានសមត្ថកិច្ចចុះពិនិត្យជាក់ស្តែង។
ក្រោយកេីតហេតុសមត្ថកិច្ចមូលដ្ឋានបានសហការជាមួយនគរបាលជំនាញពាក់ព័ន្ធរួមទាំងមន្ត្រីការិយាល័យបច្ចេកទេសនិងវិទ្យាសាស្ត្រនៃស្នងការដ្ឋាននគរបាលរាជធានីភ្នំពេញចុះមកពិនិត្យជាក់ស្តែងនិងស្រាវជ្រាវស្វែងរកសាច់ញាតិសាកសពនិងបន្តនីតិវិធីជុំវិញករណីមួយនេះ៕
ដោយ៖សុខាសែនជ័យ
