ប្រទេសជប៉ុនត្រូវបានគេដាក់ឈ្មោះថាជាប្រទេសដែលមានសុវត្ថិភាពបំផុតរបស់ពិភពលោកក្នុងឆ្នាំ 2026 ដោយក្រុមហ៊ុនធានារ៉ាប់រងការធ្វើដំណើរ Berkshire Hathaway Travel Protection ដោយសារច្បាប់ដ៏តឹងរឹងរបស់ខ្លួន និងអត្រាឧក្រិដ្ឋកម្មតាមផ្លូវមានកម្រិតទាប។

នៅទូទាំងពិភពលោក ប្រទេសជប៉ុនបានជាប់ចំណាត់ថ្នាក់ទី 9 ក្នុងបញ្ជីដែលនាំមុខគេដោយប្រទេសហូឡង់ និងអូស្ត្រាលី។ ក្រុមហ៊ុនបានស្ទង់មតិអ្នកធ្វើដំណើរជនជាតិអាមេរិកអំពីទីកន្លែងនានាក្នុងអាស៊ីដែលពួកគេបានទៅទស្សនា និងរបៀបដែលពួកគេមានអារម្មណ៍សុវត្ថិភាព បន្ទាប់មកបានផ្គូផ្គងការយល់ដឹងទាំងនោះជាមួយនឹងទិន្នន័យពី Global Peace Index, Numbeo និង GeoSure ។

របាយការណ៍បាននិយាយថា ជំហររឹងមាំរបស់ប្រទេសជប៉ុនក្នុងសុវត្ថិភាពអាចកើតចេញពីកត្តាជាច្រើន រួមទាំងរចនាសម្ព័ន្ធសង្គម ច្បាប់តឹងរ៉ឹង និងការផ្តោតសំខាន់លើភាពសុខដុម ដែលរក្សាឧក្រិដ្ឋកម្មតាមដងផ្លូវ និងការរំខានដល់សាធារណៈជនទាបបំផុត។

អារម្មណ៍ថាមានសុវត្ថិភាពនេះអនុញ្ញាតឱ្យអ្នកធ្វើដំណើរមិនសូវខ្វាយខ្វល់ច្រើន ដោយផ្តោតតែលើការដើរកំសាន្តទទួលយកបទពិសោធន៍នូវអ្វីគ្រប់យ៉ាងដែលប្រទេសមានផ្តល់ជូន។

នៅទីក្រុងតូក្យូ អ្នកដំណើរអាចស្វែងយល់ពីសង្កាត់ដ៏អ៊ូអរនៃ Shibuya, Harajuku និង Shinjuku កោតសរសើរស្ថាបត្យកម្មទំនើប ដើរកាត់សួនច្បារជប៉ុនដ៏ស្ងប់ស្ងាត់ និងទទួលបានបទពិសោធន៍ជីវិតពេលរាត្រីដ៏រស់រវើកដោយមិនខ្វល់ពីសុវត្ថិភាពផ្ទាល់ខ្លួន នេះបើតាមទស្សនាវដ្តី Travel+Leisure បានសរសេរ។ ប្រទេសជប៉ុនដែលបានដាក់ឈ្មោះថាជា “ទិសដៅទេសចរណ៍ដ៏ពេញនិយមបំផុតរបស់ពិភពលោក” នៅឆ្នាំ2025ដោយអ្នកអាន Condé Nast Traveler បានស្វាគមន៍ភ្ញៀវទេសចរបរទេសប្រមាណ 39.06 លាននាក់ ចាប់ពីខែមករាដល់ខែវិច្ឆិកា លើសពីកំណត់ត្រាកាលពីឆ្នាំមុនដែលមានចំនួន 36.87 លាននាក់៕