ក្លឹប Wolverhampton Wanderers និង Sunderland បាននិយាយថា ពួកគេមានការខឹងសម្បារយ៉ាងខ្លាំងចំពោះការប្រើពាក្យសម្តីរើសអើងពូជសាសន៍ដែលបានផ្ញើទៅកាន់កីឡាកររបស់ពួកគេតាមបណ្តាញសង្គម កាលពីថ្ងៃអាទិត្យ បន្ទាប់ពីបរាជ័យក្នុងការប្រកួត Premier League។

 

ខ្សែប្រយុទ្ធ Wolves កីឡាករ Tolu Arokodare និងខ្សែបម្រើប្រយុទ្ធ Sunderland កីឡាករ Romaine Mundle បានទទួលសាររើសអើងតាមអនឡាញ ខណៈហេតុការណ៍នេះកើតឡើងតែតិចជាង 24 ម៉ោង បន្ទាប់ពី Wesley Fofana និង Hannibal Mejbri ត្រូវបានរើសអើងពូជសាសន៍ បន្ទាប់ពី Chelsea ស្មើជាមួយ Burnley។

 

Wolves បាននិយាយថា ពួកគេមានការខ្ពើមរអើមចំពោះការរំលោភបំពានជាច្រើនលើ Arokodare បន្ទាប់ពីក្រុមរបស់ពួកគេចាញ់ Crystal Palace 1-0។

 

សេចក្តីថ្លែងការណ៍របស់ក្លឹបបាននិយាយថា៖«យើងឈរជាប់ខាងគាត់យ៉ាងរឹងមាំ និងជាមួយកីឡាករទាំងអស់ដែលត្រូវបង្ខំឱ្យទ្រាំទ្រការរំលោភបំពានបែបនេះពីគណនីអនាមិកដែលធ្វើសកម្មភាពដូចជាមិនខ្លាចច្បាប់»។

 

Sunderland ដែលចាញ់ Fulham 3-1 បាននិយាយថា ពួកគេកំពុងធ្វើការជាមួយអាជ្ញាធរ ដើម្បីស្វែងរកអ្នកទទួលខុសត្រូវចំពោះសារដែលផ្ញើទៅកាន់ Mundle។

 

ក្លឹបបានសរសេរនៅលើគេហទំព័រថា៖

«អាកប្បកិរិយាដ៏អាក្រក់ដែលបានបង្ហាញដោយមនុស្សជាច្រើនគឺមិនអាចទទួលយកបាន និងនឹងមិនត្រូវអនុញ្ញាតឱ្យកើតឡើងក្រោមលក្ខខណ្ឌណាមួយឡើយ»៕