អន្តរជាតិ ៖ បើយោងតាមសារព័ត៌មាន Khaosod ផ្សាយនៅថ្ងៃទី១២ ខែមីនា បានបញ្ជាក់ថា ៖ នេះជារូបថតសមាជិកនាវិកថៃនៅលើកប៉ាល់ដឹកទំនិញ Mayuree Naree បានលេចចេញបន្ទាប់ពីកប៉ាល់នេះត្រូវបានវាយប្រហារនៅជិតច្រកសមុទ្រ Hormuz។

 

កប៉ាល់ដែលមានទង់ជាតិថៃបានចាកចេញពីកំពង់ផែ Khalifa ក្នុងប្រទេសអារ៉ាប់រួមនៅថ្ងៃទី 11 ខែមីនា មុនពេលរងការវាយប្រហារ។ ម្ចាស់កប៉ាល់ Precious Shipping បាននិយាយថា សមាជិកនាវិកបីនាក់នៅតែបាត់ខ្លួន ដែលគេជឿថាជាប់នៅក្នុងបន្ទប់ម៉ាស៊ីន ខណៈដែល 20 នាក់ផ្សេងទៀតត្រូវបានជម្លៀសទៅកាន់ប្រទេសអូម៉ង់ដោយសុវត្ថិភាព។

 

ក្រោយមក កងឆ្មាំបដិវត្តន៍អ៊ីស្លាមអ៊ីរ៉ង់បានទទួលស្គាល់ការទទួលខុសត្រូវ ដោយអះអាងថាកប៉ាល់នេះបានមិនអើពើនឹងការព្រមាន ហើយបានធ្វើដំណើរឆ្លងកាត់ច្រកសមុទ្រ Hormuz ដោយខុសច្បាប់។

(រូបថតពីអ្នកប្រើប្រាស់ FB Ae Pek)

ប្រភព ៖ Khaosod