ខេត្តតាកែវ÷ ថ្ងៃទី១៤ ខែមីនា ឆ្នាំ២០២៦ ដោយទទួលបានបទបញ្ជាពីលោកឧត្តមសេនីយ៍ត្រី សេង មហា មេបញ្ជាការកងរាជអាវុធហត្ថខេត្តតាកែវ និងសម្រប សម្រួលនីតិវិធី ដោយលោកឯក ឆេងហួត ព្រះរាជអាជ្ញាអមសាលាដំបូងខេត្តតាកែវ ចេញប្រតិបត្តិការបង្ក្រាបករណីរក្សាទុកជួញដូរនិងប្រើប្រាស់គ្រឿងញៀនដោយឃាត់ខ្លួនជនសង្ស័យម្នាក់។
មន្ត្រីកងរាជអាវុធហត្ថខេត្តតាកែវបាននៅដឹងថា នៅវេលាម៉ោង ១១:៤០នាទី ថ្ងៃទី១៣ ខែមីនា ឆ្នាំ២០២៦ កម្លាំងមន្ទីរស្រាវជ្រាវនិងបង្រ្កាបបទល្មើសសហការជាមួយកម្លាំងមូលដ្ឋានអាវុធហត្ថស្រុកគិរីវង់ ដឹកនាំដោយលោកអនុសេនីយ៍ឯក ជួន តូរៈតៈ នាយការិយា ល័យប្រឆាំងគ្រឿងញៀន បានចុះប្រតិបត្តិការបង្ក្រាបករណី រក្សាទុក ជួញដូរ និងប្រើប្រាស់នូវសារធាតុញៀនជាក់ស្ដែង នៅចំណុចក្នុងរោងខាងមុខផ្ទះ ស្ថិតនៅភូមិកោះកុសល្យ ឃុំរាមអណ្តើក ស្រុកគិរីវង់ ខេត្តតាកែវ។
ក្នុងនោះឃាត់ខ្លួនជនសង្ស័យបានចំនួន ១ នាក់ ឈ្មោះ មាស ហ៊ុំ ភេទប្រុស អាយុ៣៨ឆ្នាំ ជនជាតិខ្មែរ មុខរបរកសិករ រស់នៅភូមិកោះកុសល្យ ឃុំរាមអណ្តើក ស្រុកគិរីវង់ ខេត្តតាកែវ ដោយដកហូតវត្ថុតាងរួមមាន៖
១/ ម្សៅក្រាមពណ៌សថ្លា ចំនួន ៣ កញ្ចប់ ទម្ងន់ ៣៤.៨៦ក្រាម (ថ្លឹងទាំងសំបកថង់)
២/ ជញ្ជីងថ្លឹងថ្នាំញៀន ចំនួន ១ គ្រឿង
៣/ ទូរស័ព្ទ ចំនួន ២ គ្រឿង
៤/ សម្ភារ:វេចខ្ចប់ថ្នាំញៀនមួយចំនួន។
បច្ចុប្បន្នជនសង្ស័យ រួមនិងវត្ថុតាងការិយាល័យជំនាញ កំពុងកសាងសំណុំរឿងបញ្ជូនទៅ សាលាដំបូងខេត្តតាកែវ ចាត់ការតាមនីតិវិធីច្បាប់៕
