ខេត្តកំពង់ស្ពឺ÷នៅថ្ងៃទី២៥ ខែមីនា ឆ្នាំ២០២៦ ដោយអនុវត្ដតាមបញ្ជាដឹកនាំឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ លោកវរសេនីយ៍ឯក យ៉ាង សុខលី អធិការនគរបាលស្រុកគងពិសី បានចាត់កំលាំងសមត្ថកិច្ចនគរបាលចុះសហការស្រាវជ្រាវនិងឈានទៅឃាត់ក្មេងទំនេីងម្នាក់ដែលធ្វេីសកម្មភាពជិះម៉ូតូបង្ហោះនៅតាមខ្នងទំនប់ប្រឡាយទឹក ស្ថិតក្នុងភូមិបឹងចង្រៀក ឃុំព្រៃវិហារ ស្រុកគងពិសី ខេត្ដកំពង់ស្ពឺ រីឯអ្នករួមដំណេីរគេចខ្លួន (កំពុងតែបន្ដ) ។
ក្មេងទំនេីងដែលបង្ហោះម៉ូតូមានឈ្មោះ សំអូន ចាន់និសា ភេទប្រុស អាយុ១៣ឆ្នាំ នៅភូមិឯកភាព ឃុំព្រៃវិហារ ស្រុកគងពិសី មុខរបរសិស្សសាលា ។
ក្រោយកំលាំងនគរបាលយកមកដល់អធិការដ្ឋាននគរបាលស្រុក ក្មេងប្រុសនេះបានឆ្លេីយនិងទទួលស្គាល់ថាខ្លួននិងបក្ខពួកពិតជាបានធ្វេីសកម្មភាពជិះម៉ូតូបង្ហោះតាមខ្នងប្រឡាយទឹកប្រាកដមែន។ ក្មេងប្រុសខាងលើនេះបញ្ជាក់ថា ការដែលជម្រុញឲ្យខ្លួនហ៊ានធ្វេីបែបនេះមកពី មិត្ដភ័ក្ភឌឺដងថាមានម៉ូតូហេីយមិនចេះបង្ហោះ ទេីបខ្លួនធ្វេីបែបនេះ ។
ទីបំផុតសមត្ថកិច្ចបានអនុវត្ដគោលការណ៍ ៣ចំណុច ៖
កោសក់ក្បាល និងធ្វេីពលកម្មសម្អាតបរិស្ថានជុំវិញអង្គភាព និងអប់រំធ្វេីកិច្ចសន្យា,អញ្ជេីញអាណាព្យាបាលមកធ្វេីកិច្ចសន្យាអប់រំ ប្រដៅកូនកុំឱ្យហក់ចូលក្រុមមិន ល្អ និងខិតខំរៀនមិនត្រូវប្រព្រឹត្ដទង្វេីផ្ទុយយពីច្បាប់និងដកហូតម៉ូតូ១គ្រឿងស៊យសូគី Let’sព៌ណសផ្លាកលេខកំពង់ស្ពឺ 1O-3729 យកមករក្សាម៉ូតូទុករយៈពេល ៣ ខែ ស្មេី ៩០ថ្ងៃនៅអធិការដ្ឋាននគរបាលស្រុកគងពិសី៕
