ក្រុមហ៊ុនផលិតរថយន្តធុនធ្ងន់ធំបំផុតមួយនៅលើពិភពលោក Daimler Truck បានរាយការណ៍ថា ការលក់រថយន្តសរុបក្នុងត្រីមាសទី១ ឆ្នាំ 2026 បានធ្លាក់ចុះ 9% ដោយសារការថយចុះខ្លាំងនៅទីផ្សារអាមេរិកខាងជើង។

ក្រុមហ៊ុនបានលក់រថយន្តបានចំនួន 68,849 គ្រឿង ក្នុងរយៈពេលបីខែដំបូង នៃឆ្នាំ 2026 ប្រៀបធៀបនឹង 75,758 គ្រឿង នៅរយៈពេលដូចគ្នា កាលពីឆ្នាំមុន។

ជាពិសេស ផ្នែករថយន្តដឹកទំនិញនៅអាមេរិកខាងជើង Trucks North America បានធ្លាក់ចុះដល់ 25% ដោយលក់បានត្រឹម 29,432 គ្រឿងប៉ុណ្ណោះ។

កាលពីខែមីនា ប្រធានផ្នែកហិរញ្ញវត្ថុ Eva Scherer បានព្រមានថា ផលប៉ះពាល់ពីពន្ធនាំចូលរបស់សហរដ្ឋអាមេរិក នឹងកើនឡើងខ្លាំងនៅឆ្នាំ 2026 បន្ទាប់ពីប្រធានាធិបតី Donald Trump បានដាក់ពន្ធ 25% ចាប់ពីខែវិច្ឆិកា ឆ្នាំមុន៕