ក្រុមហ៊ុនដែលមានហ៊ាងលក់ភេសជ្ជៈច្រើនរបស់ចិនយីហោ Mixue របស់ប្រទេសចិន មានចំនួនហាងនៅក្រៅប្រទេសរបស់ខ្លួនធ្លាក់ចុះចំនួន 428 ទីតាំង កាលពីឆ្នាំមុន ដោយមានហាងជាច្រើនបានបិទនៅក្នុងប្រទេសឥណ្ឌូនេស៊ី និងវៀតណាម។
ក្រុមហ៊ុនតែទឹកដោះគោមិនបានបង្ហាញពីចំនួនហាងដែលខ្លួនបានបិទនៅក្នុងប្រទេសទាំងពីរនោះទេ ប៉ុន្តែបាននិយាយនៅក្នុងរបាយការណ៍ហិរញ្ញវត្ថុចុងក្រោយរបស់ខ្លួនថា ខ្លួនផ្តោតលើ “ការបង្កើនប្រសិទ្ធភាពប្រតិបត្តិការរបស់ហាងដែលមានស្រាប់ ដើម្បីគាំទ្រដល់ប្រតិបត្តិការរយៈពេលវែង និរន្តរភាព និងស្ថិរភាពរបស់ពួកគេ។
ប៉ុន្តែពួកគេបានពង្រីកនៅក្នុងប្រទេសមួយចំនួនទៀតដូចជាសហរដ្ឋអាមេរិក និងកាហ្សាក់ស្ថាន ហើយបានបើកហាងដំបូងរបស់ខ្លួននៅក្នុងប្រទេសម៉ាឡេស៊ី និងប្រទេសថៃ ទោះបីជាស្ថិតនៅក្រោមម៉ាកយីហោផ្សេង Lucky Cup ក៏ដោយ។
Mixue មានហាងចំនួន 59,823 នៅទូទាំងពិភពលោកនៅចុងឆ្នាំមុន រួមទាំង 55,356 នៅក្នុងប្រទេសចិនដីគោកផងដែរ។
ឥណ្ឌូណេស៊ី និងវៀតណាម គឺជាទីផ្សារក្រៅប្រទេសធំជាងគេពីររបស់ខ្លួន។ ក្រុមហ៊ុនមានហាងចំនួន 1,304 នៅក្នុងប្រទេសវៀតណាម គិតត្រឹមខែកញ្ញា ឆ្នាំ 2024 នេះបើយោងតាមសៀវភៅណែនាំដែលបានដាក់ពាក្យស្នើសុំ IPO ហុងកុងរបស់ខ្លួននៅដើមឆ្នាំ 2025។
នៅក្នុងប្រទេសនេះ ពួកគេកំពុងពន្លឿនការផ្លាស់ប្តូរពីទម្រង់ហាងតូចប្រពៃណីទៅហាងធំជាង។ ទីតាំងថ្មីមានបញ្ជររៀបចំដែលបានពង្រីក មុខហាងដែលប្រឈមមុខនឹងផ្លូវ និងជាន់ធំជាងមុន ហើយសង្វាក់នេះក៏កំពុងផ្តល់អាទិភាពដល់ទីតាំងសំខាន់ៗផងដែរ។
Mixue បានចូលប្រទេសវៀតណាមក្នុងឆ្នាំ 2018 ដោយដំបូងផ្តោតទៅលើក្រុងហាណូយ និងខេត្តភាគខាងជើង ប៉ុន្តែបានពង្រីកទូទាំងប្រទេស។ ផលិតផលសំខាន់ៗរបស់ពួកគេរួមមាន ទឹកក្រូចឆ្មា ការ៉េម តែទឹកដោះគោ និងតែផ្លែឈើ ដែលមានតម្លៃចាប់ពី 10,000-30,000 ដុង។
Mixue បាននិយាយថា ខ្លួននឹងបន្តបង្កើនវត្តមានរបស់ខ្លួននៅក្នុងតំបន់អាស៊ីអាគ្នេយ៍ ដោយពង្រឹងបណ្តាញអ្នកទទួលសិទ្ធិផ្តាច់មុខនៅក្នុងតំបន់៕
