កាលពី 10 ឆ្នាំមុន ពេលដូចគ្នានេះ Leicester នៅមិនឆ្ងាយពីការឈ្នះ Premier League តែ រដូវកាលក្រោយ ពួកគេនឹងលេងក្នុងក្របខណ្ឌអង់គ្លេស League One។

 

ក្រុមចចកក្រុម Leicester បានទទួលរងនូវការធ្លាក់ចុះយ៉ាងខ្លាំងចាប់តាំងពីការឈ្នះពានរង្វាន់ FA Cup ក្នុងឆ្នាំ 2021 ហើយការស្មើ 2-2 កាលពីថ្ងៃអង្គារជាមួយនឹងក្រុម Hull City បានបញ្ជាក់ជាផ្លូវការពីការកាត់ចោលរបស់ពួកគេទៅកាន់ក្របខណ្ឌថ្នាក់ទីបី។

 

ពីការឈ្នះពានអង់គ្លេសPremier League ដ៏អស្ចារ្យដែលធ្វើឱ្យពិភពលោកភ្ញាក់ផ្អើលរហូតដល់ការបាត់បង់ម្ចាស់ក្លឹបជនជាតិថៃលោក Vichai Srivaddhanaprabha ក្នុងឧបទ្ទវហេតុធ្លាក់ឧទ្ធម្ភាគចក្រពីរឆ្នាំក្រោយមក ក្រុម Foxes បានជួបប្រទះគ្រប់អារម្មណ៍ក្នុងទសវត្សរ៍កន្លងទៅ។

 

នៅឆ្នាំ 2016-17 ពួកគេបានលេង Atletico Madrid ក្នុងការប្រកួត Champions League វគ្គ 1/4 ផ្តាច់ព្រ័ត្រ។ មួយទសវត្សរ៍ក្រោយមក Leicester នឹងស្ថិតនៅក្នុងលីគជាមួយនឹងក្រុម Bromley ដែលបានចំណាយពេល 132 ក្នុងចំណោម 134 ឆ្នាំរបស់ពួកគេក្នុងការលេងបាល់ទាត់ក្របខណ្ឌ non-league។

 

ផលប៉ះពាល់នៃការស្លាប់របស់ Vichai – នៅក្នុងការធ្លាក់ឧទ្ធម្ភាគចក្រនៅខាងក្រៅកីឡដ្ឋានរបស់ Leicester បន្ទាប់ពីស្មើជាមួយ West Ham អាចជារឿងមួយនៃការលេងធ្លាក់ចុះរបស់ក្លឹប។

 

Vichai បានទិញ Leicester ក្នុងតម្លៃ 39 លានផោនក្នុងឆ្នាំ 2010 ដោយបានជម្រះបំណុលរបស់ពួកគេ ហើយបានឃើញក្លឹបឈ្នះការឡើងទៅកាន់ក្របខ័ណ្ឌកំពូលក្នុងរយៈពេលបួនឆ្នាំក្រោយមក។ ពួកគេឈ្នះ Premier League ក្នុងរដូវកាលឆ្នាំ 2015-16 គឺជារឿងកីឡាដ៏អស្ចារ្យបំផុតក្នុងប្រវត្តិសាស្រ្ត។

 

បន្ទាប់ពីការស្លាប់របស់ លោក Vichai កូនប្រុសរបស់គាត់ Aiyawatt ដែលត្រូវបានគេស្គាល់ថា “Top” បានកាន់កាប់ក្លឹបនិងអាជីវកម្មរបស់ឪពុកគាត់។

 

Leicester បានឈ្នះពានរង្វាន់ FA Cup ក្នុងឆ្នាំ 2021 ដែលជាលើកទីមួយសម្រាប់ក្លឹប ប៉ុន្តែពួកគេត្រូវបានដកចំនួន 6 ពិន្ទុនៅរដូវកាលនេះ សម្រាប់ការបំពានលើច្បាប់ស្តីពីប្រាក់ចំណេញ និងនិរន្តរភាពនៃក្របខ័ណ្ឌបាល់ទាត់អង់គ្លេសដែលគ្រប់គ្រងការចំណាយសម្រាប់ការលើសពីកម្រិតនៃការខាតបង់អតិបរមារហូតដល់រដូវកាល 2023-24 ចំនួន 20.8 លានផោន កាលពីខែមុនក្លឹបបានរាយការណ៍ពីការខាតបង់ដ៏ធំមួយផ្សេងទៀត (71.1 លានផោន) សម្រាប់ 2024-25 ហើយបានចាញ់ក្តីក្នុងការប្តឹងតវ៉ារបស់ពួកគេក្នុងខែនេះ៕