រដ្ឋមន្ត្រីក្រសួងហិរញ្ញវត្ថុឥណ្ឌូនេស៊ីបានបញ្ជាក់ថា គំនិតនៃការកំណត់ថ្លៃដឹកជញ្ជូនឆ្លងកាត់ច្រកសមុទ្រម៉ាឡាកាត្រូវបានបំផុសគំនិតដោយផែនការរបស់អុឺរ៉ង់នៅក្នុងច្រកសមុទ្រហ័រមូស។

យោងតាម Channel News Asia នៅថ្ងៃទី 22 ខែមេសា រដ្ឋមន្ត្រីក្រសួងហិរញ្ញវត្ថុឥណ្ឌូនេស៊ី លោក Purbaya Yudhi Sadewa បានស្នើគំនិតនៃការអនុវត្តថ្លៃដឹកជញ្ជូនឆ្លងកាត់ច្រកសមុទ្រម៉ាឡាកា ដោយមានគោលបំណងបង្កើនប្រសិទ្ធភាពទីតាំងយុទ្ធសាស្ត្ររបស់ប្រទេសលើផ្លូវពាណិជ្ជកម្មនិងថាមពលសកល។
ប្រព័ន្ធផ្សព្វផ្សាយក្នុងស្រុកបានដកស្រង់សម្តីលោក Purbaya ដោយនិយាយថា សំណើនេះស្របនឹងការណែនាំរបស់ប្រធានាធិបតីឥណ្ឌូនេស៊ី លោក Prabowo Subianto ដែលយោងទៅតាមនោះ ឥណ្ឌូនេស៊ីមិនគួរចាត់ទុកខ្លួនឯងថាជា “ប្រទេសក្រៅ” ទេ ប៉ុន្តែជា “អ្នកដើរតួសំខាន់” នៅក្នុងសេដ្ឋកិច្ចពិភពលោក។
លោក Purbaya បានថ្លែងនៅក្នុងសន្និសីទមួយនៅទីក្រុងហ្សាការតាថា «ដូចដែលប្រធានាធិបតីបានណែនាំ ប្រទេសឥណ្ឌូនេស៊ីមិនមែនជាប្រទេសក្រៅទេ។ យើងស្ថិតនៅលើផ្លូវពាណិជ្ជកម្មនិងថាមពលសកលជាយុទ្ធសាស្ត្រ ប៉ុន្តែកប៉ាល់ឆ្លងកាត់ច្រកសមុទ្រម៉ាឡាកាដោយមិនគិតថ្លៃសេវា។ ខ្ញុំមិនប្រាកដថាវាត្រឹមត្រូវឬខុសទេ» ។
ច្រកសមុទ្រម៉ាឡាកាគឺជាផ្លូវដឹកជញ្ជូនដ៏សំខាន់សម្រាប់ពាណិជ្ជកម្មនិងថាមពលសកល ប៉ុន្តែបច្ចុប្បន្នមិនមានថ្លៃសេវាដឹកជញ្ជូនណាមួយត្រូវបានអនុវត្តចំពោះកប៉ាល់ដែលឆ្លងកាត់វាទេ។

ច្រកសមុទ្រនេះស្ថិតនៅចន្លោះប្រទេសឥណ្ឌូនេស៊ី ម៉ាឡេស៊ី និងសិង្ហបុរី ហើយភ្ជាប់មហាសមុទ្រឥណ្ឌានិងមហាសមុទ្រប៉ាស៊ីហ្វិក។
លោក Purbaya បានទទួលស្គាល់ថា គំនិតនៃការគិតថ្លៃសេវានៅច្រកសមុទ្រម៉ាឡាកាត្រូវបានបំផុសគំនិតដោយផែនការរបស់អុីរ៉ង់ក្នុងការគិតថ្លៃសេវាដល់កប៉ាល់ដែលឆ្លងកាត់ច្រកសមុទ្រ
ហ័រមូស – ផ្លូវដែលភ្ជាប់ឈូងសមុទ្រពែរ្សទៅមហាសមុទ្រឥណ្ឌា។
លោក Purbaya ជឿជាក់ថា វិធីសាស្រ្តស្រដៀងគ្នានេះអាចបង្កើតតម្លៃសេដ្ឋកិច្ចដ៏សំខាន់ប្រសិនបើត្រូវបានអនុវត្តនៅក្នុងច្រកសមុទ្រម៉ាឡាកា តាមរយៈកិច្ចសហប្រតិបត្តិការរវាងប្រទេសឆ្នេរសមុទ្រទាំងបី៕ ដោយធីរីណា

រូប​ថត​:tuoitre