ភ្នំពេញ: បណ្ឌិត ទូច សុឃៈ អ្នកនាំពាក្យរងក្រសួងមហាផ្ទៃបានថ្លែងនៅព្រឹកថ្ងៃទី៨ ខែឧសភានេះថា គិតចាប់ពីថ្ងៃទី១ ដល់ថ្ងៃទី៣០ ខែមេសា ឆ្នាំ២០២៦ សមត្ថកិច្ចក្របខណ្ឌក្រសួងមហាផ្ទៃបានបោសសម្អាតបទល្មើសឆបោកតាមប្រព័ន្ធបច្ចេកវិទ្យា (Onlin Scams)សរុបចំនួន ៤៨កន្លែង ដោយក្នុងនោះរាជធានីភ្នំពេញចំនួន ២០កន្លែង ខេត្តស្វាយរៀងចំនួន ៦កន្លែង ខេត្តបន្ទាយមានជ័យចំនួន ៨កន្លែង ខេត្តព្រះសីហនុចំនួន ៣កន្លែង ខេត្តកំពង់ស្ពឺចំនួន ២កន្លែង ខេត្តមណ្ឌលគីរី ចំនួន ២កន្លែង ខេត្តកែប ចំនួន ១កន្លែង ខេត្តកំពត ចំនួន ១កន្លែង ខេត្តសៀមរាប ចំនួន ១កន្លែង ខេត្តកោះកុង ចំនួន១កន្លែង ខេត្តកណ្តាល ចំនួន ១កន្លែង ខេត្តឧត្តរមានជ័យចំនួន ១កន្លែង និងខេត្តត្បូងឃ្មុំ ចំនួន ១កន្លែង។ ហើយបានឃាត់ខ្លួនបុគ្គលដែលពាក់ព័ន្ធមានចំនួន ៥៥៣៥នាក់ ដែលមាន៣០សញ្ជាតិ ដោយក្នុងនោះមានជនជាតិចិនចំនួន ៣៣៩១នាក់ , ថៃចំនួន ៧៧២៦នាក់ , វៀតណាម ៤៦១នាក់ , បង់ក្លាដេស ២៤៨នាក់ , នេប៉ាល់ ១១៩នាក់ , ប៉ាគីស្ថាន ៨៦នាក់ , ឥណ្ឌា ៧៩នាក់ , ឥណ្ឌីនេស៊ី ៦៨នាក់ , មីយ៉ាន់ម៉ា ១២១នាក់ , ហ្វីលីពីន ៤៣នាក់ , ម៉ាឡេស៊ី ៤១នាក់ , ស្រីលង្ការ ៣៧នាក់ , ជប៉ុន ៣៣នាក់ , ខ្មែរ ៣១នាក់ , កូរ៉េ ១០នាក់ , អាហ្វ្រិក ១០នាក់ , ហ្គាណា ៨នាក់ , រ៉ូវ៉ាន់ដា ៥នាក់។ល។ ៕

ដោយ៖ ជ្រោយពេជ្រ