ភ្នំពេញ៖ យោងតាមប្រភពព័ត៌មានពីបណ្ដាញសង្គមតេឡេក្រាមផ្លូវការរបស់លោកឧត្តមសេនីយ៍ឯក សាយ ម៉េងឈាង អគ្គនាយករង នៃអគ្គនាយកដ្ឋានអត្តសញ្ញាណកម្ម នៅថ្ងៃទី២២ ខែឧសភា ឆ្នាំ២០២៦នេះ បានបញ្ជាក់ថាការបន្តសុពលភាពអត្តសញ្ញាណបណ្ណសញ្ជាតិខ្មែរ មិនតម្រូវឱ្យភ្ជាប់ឯកសារយោងបន្ថែម ក្រៅពីអត្តសញ្ញាណបណ្ណចាស់នោះទេ។
លោកឧត្តមសេនីយ៍ឯក សាយ ម៉េងឈាង បានបញ្ជាក់បន្ថែមថា លើកលែងតែករណីមានការផ្លាស់ប្តូរអាសយដ្ឋានថ្មី ឬអាសយដ្ឋានចាស់នោះត្រូវបានផ្លាស់ប្តូរទីតាំងភូមិសាស្ត្ររដ្ឋបាល ឧទាហរណ៍ដូចជាពីមុន សង្កាត់ស្ទឹងមានជ័យ ប៉ុន្តែបច្ចុប្បន្ន សង្កាត់នោះប្តូរជា សង្កាត់ស្ទឹងមានជ័យ១ ឬ ស្ទឹងមានជ័យ២ ឬ ស្ទឹងមានជ័យ៣ ជាដើម ដែលសាមីខ្លួនត្រូវភ្ជាប់សៀវភៅស្នាក់នៅអាសយដ្ឋានថ្មីនោះ ឬលិខិតបញ្ជាក់ទីលំនៅចេញដោយប៉ុស្តិ៍នគរបាលរដ្ឋបាលសិន ទើបអាចថតបន្តសុពលភាពបាន៕ដោយ៖តារា
