ភ្នំពេញ ៖ សូមសមត្ថកិច្ចជំនាញខេត្តកំពង់ឆ្នាំង តាមចាប់ជនបង្កគ្រោះថ្នាក់ចរាចរណ៍ម្នាក់នេះ ឲ្យបានឆាប់ ដើម្បីយកមកកាត់ទោសតាមច្បាប់ឲ្យធ្ងន់បំផុត។
គាត់ជាឃាតកលើដងផ្លូវ ដែលបានសម្លាប់មនុស្ស៩នាក់ និងរបួសជាង៤០នាក់ នៅសាលាលេខ៥ ស្រុកកំពង់ត្រឡាច ខេត្តកំពង់ឆ្នាំង។
ជននេះមានឈ្មោះ វណ្ណារ៉ា ខេមរ: អាយុ២១ឆ្នាំ ស្រុកកំណើតនៅឃុំព្រៃដើមថ្នឹង ស្រុកស៊ីធរកណ្តាល ខេត្តព្រៃវែង។
លោកឧត្តមសេនីយ៍ទោ តេង ច័ន្ទណាត ស្នងការនគរបាលខេត្តកំពង់ឆ្នាំង បានបញ្ជាក់ថា កម្លាំងសមត្ថកិច្ចកំពុងស្រាវជ្រាវ ដើម្បីតាមចាប់ជននេះមកផ្តន្ទាទោសតាមច្បាប់។
សូមជម្រាបថា ៖ បន្ទាប់ពី បាន ទទួលដំណឹង អំពី ករណី គ្រោះថ្នាក់ ចរាចរណ៍ បណ្ដាល ឱ្យ កម្មករ កម្មការិនី ស្លាប់ ១៤នាក់ និង របួស ធ្ងន់ របួស ស្រាល ច្រើន នាក់ នៅខេត្ត ស្វាយរៀង និង ខេត្ត កំពង់ ឆ្នាំង នៅរសៀលថ្ងៃទី ២៤ ខែ ឧសភា ឆ្នាំ ២០២៦ លោកស្រី លាង វួចឆេង ហ៊ុន ណេង ឧត្ដមភរិយាយ សម្ដេច ទេព ញាណ ហ៊ុន ណេង បាន ចាត់ អោយ តំណាងនាំយក ថវិកា ទៅឧប ត្ថម្ភ កម្មករ កម្មការិនី ដែល ជួប គ្រោះថ្នាក់ ចរាចរណ៍ ក្នុង នោះ អ្នក ស្លាប់ ចំនួន ១៤ នាក់ ក្នុង ១នាក់ ថវិកា ២លាន រៀល អ្នករងរបួស ធ្ងន់ ចំនួន ១៥នាក់ ក្នុង ១នាក់ ថវិកា ១លានរៀល អ្នករងរបួសធ្ងន់ចំនួន ៦៧នាក់ ក្នុង ១នាក់ ថវិកា ៥០ម៉ឺនរៀល៕
ដោយ ៖ សិលា
