ប្រធានក្រុម Manchester United កីឡាករ Bruno Fernandes បានបង្កើតកំណត់ត្រាថ្មីនៃការបញ្ជូនបាល់ឱ្យមិត្តរួមក្រុមស៊ុតបញ្ចូល(assist)ទីចំនួន 21 ដងក្នុងរដូវកាល Premier League តែមួយនៅពេលដែលគាត់បានបង្កើតឱកាសគ្រាប់បាល់ដល់កីឡាករPatrick Dorgu បញ្ចូលទីទល់នឹងក្រុម Brighton កាលពីថ្ងៃអាទិត្យ។

ការប្រកួតនៅថ្ងៃចុងក្រោយនៃយុទ្ធនាការ Premier League កីឡាករ Dorgu តែតបាល់បញ្ចូលទីនៅនាទីទី 33 ក្រោយការទាត់ចេញពីជ្រុងរបស់ Fernandes នៅកីឡដ្ឋាន Amex ។

គ្រាប់បាល់របស់ Dorgu បានផ្តល់ឱ្យ Fernandes កាន់កាប់កំណត់ត្រាតែមួយគត់ដែលគាត់បានចែករំលែកជាមួយ Thierry Henry និង Kevin De Bruyne ដែលអ្នកទាំងពីរគ្រប់គ្រងបាន 20 assists ក្នុងរដូវកាល Premier League ។

ហើយបន្ទាប់ពី Bryan Mbeumo បាននាំមុខពីរគ្រាប់ឱ្យ Man Utd ខ្សែបម្រើព័រទុយហ្គាល់ Fernandes បានស៊ុត យក 3-0 នៅនាទីទី 48 ជាមួយនឹងគ្រាប់បាល់ទី 9 របស់គាត់ក្នុងលីគនៃរដូវកាល ។

Fernandes គឺជាតួអង្គសំខាន់សម្រាប់ Man Utd ក្នុងរដូវកាលនេះ ដោយបិសាចក្រហមក្រោមការដឹកនាំរបស់ Michael Carrick ឡើងទៅកាន់ចំណាត់ថ្នាក់លេខ 3 និងទទួលបានសិទ្ធិសម្រាប់ការប្រកួត Champions League នៅរដូវកាលក្រោយ។

កីឡាករ Fernandes ត្រូវបានជ្រើសរើសជាកីឡាករឆ្នើមប្រចាំរដូវកាលនៅ Premier League ។ គាត់បានឈ្នះពានរង្វាន់អ្នកនិពន្ធបាល់ទាត់ដែលមានតម្លៃស្មើរួចហើយដែរ៕