ខេត្តបាត់ដំបង ៖ កាលពីថ្ងៃទី១៥ខែមិថុនា ឆ្នាំ២០២៦ វេលាម៉ោង១៧និង៣០នាទីនៅចំណុចក្រុមទី២៣ ភូមិទួលព្រំ១ ឃុំកកោះ ស្រុកមោងឫស្សី ខេត្តបាត់ដំបង ស្របតាមអនុសាសន៍ដ៏ខ្ពង់ខ្ពស់របស់ លោក នាយឧត្តមសេនីយ៍ ស ថេត អគ្គស្នងការ នគរបាលជាតិ និងក្រោមការបញ្ជាដឹកនាំរបស់លោកឧត្តមសេនីយ៍ទោ ដាញ់ អេងប៊ុនចាន់ ស្នងការនៃស្នងការដ្ឋាននគរបាលខេត្តបាត់ដំបង លោកវរសេនីយ៍ឯក ស គឹមឡុង អធិការនគរបាលស្រុកមោងឫស្សីបានដឹកនាំកម្លាំងផ្នែកប្រឆាំងគ្រឿងញៀន រួមជាមួយកម្លាំងអន្តរាគមន៍នៃអធិការ ដ្ឋាននគរបាលស្រុក ឃាត់ខ្លួនមុខសញ្ញាគ្រឿងញៀនបានចំនួន០២នាក់គឺឈ្មោះ ថឺន ជាតិ ភេទប្រុស អាយុ៣១ ឆ្នាំ មានទីលំនៅភូមិស្រែអូរ ឃុំកកោះ ស្រុកមោងឫស្សីខេត្តបាត់ដំបង និងឈ្មោះ អ៊ុត មេង ភេទប្រុស អាយុ៤៧ឆ្នាំមានទីលំនៅភូមិស្រែអូរ ឃុំកកោះ ស្រុកមោងឫស្សី ខេត្តបាត់ដំបង។
-វត្ថុតាងចាប់យកបានរួមមាន៖
-ម្សៅក្រាមពណ៌សថ្លាច្រកក្នុងថង់ប្លាស្ទិកពណ៌សថ្លាចំនួន០១ថង់សង្ស័យមានសារធាតុញៀនមិនទាន់ថ្លឹងទម្ងន់
-ទូរសព្ទដៃចំនួន០១គ្រឿង
-ម៉ូតូចំនួន០១គ្រឿង ស៊េរីចាស់។
បច្ចុប្បន្នមុខសញ្ញាទាំងពីរនាក់ ខាងលើបានកសាងសំណុំរឿងបញ្ជូនមកកាន់ការិយាល័យជំនាញខេត្តបន្តអនុវត្តតាមច្បាប់៕(រូបភាពនគរបាលស្រុកមោងឫស្សី)
