ខេត្តស្ទឹងត្រែង៖ លោកឧត្តមសេនីយ៍ទោ សារី បុត្រសត្យា ស្នងការនគរបាលខេត្តស្ទឹងត្រែង នៅព្រឹកថ្ងៃទី០៣ ខែកក្កដា ឆ្នាំ២០២៦នេះ សូមជម្រាបជូនប្រជាពលរដ្ឋទាំងអស់ក្នុងខេត្តស្ទឹងត្រែងមេត្តាជ្រាប ស្តីពីការប្រុងប្រយ័ត្នបទល្មើសឆបោកបច្ចេកវិទ្យា មានដូចខាងក្រោម៖
១- កុំបង្ហោះ ឬឱ្យអ្នកដទៃថតឯកសារផ្ទាល់ខ្លួន (អត្តសញ្ញាណប័ណ្ណ, សៀវភៅគ្រួសារ, QR Code ធនាគារជាដើម) ។
២- កុំឱ្យគេជួលគណនីធនាគារ ឬលេខទូរស័ព្ទរបស់ខ្លួន ។
៣- កុំធ្វើការកម្ចីអនឡាញ (កម្ចីអនឡាញ = បោកប្រាស់) ។
៤- កុំលេងឆ្នោតកោស ឬល្បែងតាមឡាយគណនីហ្វេសប៊ុក (Facebook) ។
៥- កុំចុចលីងមិនស្គាល់ប្រភព (Telegram, Facebook) ។
៦- បើមានគេទាមទារបង់ប្រាក់ឈ្នះរង្វាន់ ឬសុំលេខកូដ (កុំជឿ កុំវេរប្រាក់ និងបិទទូរស័ព្ទភ្លាម) ។
៧- មុនវេរប្រាក់ ឬស្តែន QR Code (ពិនិត្យឈ្មោះ និងលេខគណនីឱ្យច្បាស់) ។
៨- បើឃើញឆាតពីគណនីឈ្មោះបងប្អូនខ្ចីប្រាក់(ត្រូវទូរស័ព្ទបញ្ជាក់ជាមុន) ។
៩- ទិញអីវ៉ាន់អនឡាញ (ពិនិត្យផេក ឈ្មោះហាង, អាសយដ្ឋាន និងតម្លៃឱ្យបានច្បាស់) ។
១០- ដាក់ពាក្យសម្ងាត់រឹងមាំ មានអក្សរ លេខ និមិត្តសញ្ញា និងពិនិត្យសុវត្ថិភាពគណនីជាប្រចាំ ។
១១- កុំផ្ញើរូបភាព ឬវីដេអូអាសអាភាសរបស់ខ្លួនទៅអ្នកដទៃ ។
១២- កុំធ្វើការវិនិយោគតាមរយៈគណនី (Telegram, Facebook) ។
១៣- បើបាត់ឯកសារ ឬលេខទូរស័ព្ទ (សូមរាយការណ៍ទៅប៉ុស្តិ៍នគរបាលរដ្ឋបាល, អធិការដ្ឋាននគរបាល ក្រុង/ស្រុក ឬមកផែនការងារសន្តិសុខ នៃស្នងការដ្ឋាននគរបាលខេត្ត តាមរយៈលេខទូរស័ព្ទ ០៣១ ៣៧៤ ៩៨៤០, ០៩៧ ៧៧៨ ០០២១) ឬតាមរយៈគេហទំព័រហ្វេសប៊ុករបស់ ស្នងការដ្ឋាននគរបាលខេត្តស្ទឹងត្រែង https://www.facebook.com/share/1Jk7DEFWHB ។
សូមបងប្អូនពូ មីងជួយផ្សព្វផ្សាយបន្ត ដើម្បីសន្តិសុខសង្គម យើងទាំងអស់គ្នា !
ដោយ៖តារា
