អាជីពដ៏អស្ចារ្យមួយក្នុងប្រវត្តិសាស្ត្របាល់ទាត់ បានបញ្ចប់ដោយគ្មានពាន FIFA World Cup បន្ទាប់ពី Cristiano Ronaldo បង្ហាញខ្លួនជាលើកចុងក្រោយក្នុងកម្មវិធី World Cup ហើយព័រទុយហ្គាល់ចាញ់ អេស្ប៉ាញ ១-០ នៅវគ្គ ១៦ ក្រុមចុងក្រោយ។

 

គ្រាប់បាល់នៅម៉ោងបន្ថែមដោយ Mikel Merino បានជួយអេស្ប៉ាញឡើងទៅវគ្គ ៨ ក្រុមចុងក្រោយ និងធ្វើឱ្យ Ronaldo ស្រក់ទឹកភ្នែក ខណៈដំណើររបស់គេនៅ World Cup បានបិទបញ្ចប់ជាផ្លូវការ។

 

Ronaldo វ័យ ៤១ ឆ្នាំ គឺជាម្ចាស់ពាន Ballon d’Or ៥ សម័យ, ឈ្នះ UEFA Champions League ៥ លើក, និងជួយព័រទុយហ្គាល់ឈ្នះ Euro 2016។ គាត់រកបានគ្រាប់បាល់សរុប ៩៧៦ គ្រាប់ សម្រាប់ក្លិប និងក្រុមជម្រើសជាតិ ដែលជាកំណត់ត្រាពិភពលោក។

 

គាត់ក៏ជាកីឡាករដំបូងដែលរកគ្រាប់បាល់បានក្នុង World Cup ៦ លើកជាប់គ្នា។ ទោះជាយ៉ាងណា ការឈានដល់ វគ្គពាក់កណ្តាលផ្តាច់ព្រ័ត្រ ឆ្នាំ២០០៦ គឺជាលទ្ធផលល្អបំផុតរបស់គាត់ក្នុងការប្រកួតនេះ។

 

Ronaldo បានបញ្ជាក់រួចហើយថា World Cup 2026 គឺជាលើកចុងក្រោយរបស់គាត់។ ប៉ុន្តែក្រោយចប់ការប្រកួត គាត់បាននិយាយថា៖

“ខ្ញុំនឹងត្រឡប់ទៅជួបគ្រួសារ ហើយសម្រេចចិត្តដោយស្ងប់ស្ងាត់” នៅពេលត្រូវបានសួរថា តើគាត់នឹងបន្តលេងឱ្យក្រុមជម្រើសជាតិឬអត់។

 

នៅតែមានការជជែកវែកញែកថា តើព័រទុយហ្គាល់អាចធ្វើបានល្អជាងនេះដែរឬទេ ប្រសិនបើមិនមានសម្ពាធក្នុងការដាក់ Ronaldo ជាជម្រើសដំបូងគ្រប់ការប្រកួត។

 

ទោះយ៉ាងណា អ្នកវិភាគរបស់ BBC លោក Chris Sutton បានរិះគន់យ៉ាងខ្លាំងថា៖ “គាត់ដើរលើទីលានដូចជាជីតាម្នាក់។ នេះហើយជាមូលហេតុដែលព័រទុយហ្គាល់ធ្លាក់ចេញ។”

 

លោកបន្តថា៖ “Cristiano Ronaldo មិនបានធ្វើអ្វីសោះ។ តើ Roberto Martinez កំពុងធ្វើអ្វី? ហេតុអ្វីបានជាគាត់លម្អៀងទៅរកកីឡាករម្នាក់ដល់ថ្នាក់នេះ? ព័រទុយហ្គាល់ធ្លាក់ចេញដោយសារតែ Roberto Martinez។”

 

បន្ទាប់ពីចប់ការប្រកួត លោក Roberto Martinez បានប្រកាសចាកចេញពីតំណែងគ្រូបង្វឹកក្រុមជម្រើសជាតិព័រទុយហ្គាល់ ហើយបានសរសើរ Ronaldo ថា៖

“យើងត្រូវអរគុណគាត់ចំពោះអ្វីដែលគាត់បានព្យាយាមធ្វើនៅ World Cup នេះ។ ក្តីសុបិនរបស់គាត់គឺឈ្នះ World Cup ហើយគាត់បានបង្ហាញគំរូដ៏អស្ចារ្យមួយក្នុងការខិតខំ។ គាត់គឺជារូបតំណាងនៃពិភពបាល់ទាត់ និងជាគំរូល្អទាំងក្នុងនាមជាកីឡាករ និងមនុស្សម្នាក់៕”