ខេត្តត្បូងឃ្មុំ៖ ដោយភ្លើងប្រច័ណ្ឌ ប្តីចាក់ប្រពន្ធ១៦កាំបិតបណ្តាលអោយរបួសធ្ងន់ ហើយចាក់ខ្លួនឯងស្លាប់។ ហេតុការនេះបានកើតឡើងកាលពីវេលាម៉ោង៦ព្រឹកថ្ងៃទី២៥ ខែកញ្ញា ឆ្នាំ២០១៦ ស្ថិតនៅភូមិម៉ាស៊ីន ឃុំរូង ស្រុកមេមត់ ខេត្តត្បូងឃ្មុំ។

សមត្ថកិច្ចបានឲ្យដឹងថាៈ បុរសជាប្តីឈ្មោះ យឹង សុផេង អាយុ៣០ឆ្នាំ បានចាក់ប្រពន្ធ ឈ្មោះខែម ផល្លា អាយុ២៨ ឆ្នាំ ចំនួន១៦កាំបិត ហើយចាក់ពោះខ្លួនឯងមួយកាំបិតក៏ស្លាប់ទៅ រីឯប្រពន្ធរងរបួសធ្ងន់ធ្ងរកំពុងសង្រ្គោះបន្ទាន់នៅមន្ទីរពេទ្យខេត្តកំពង់ចាម។

សូមបញ្ជាក់ថា ប្តីប្រពន្ធនេះបានរៀបការ១០ឆ្នាំមកហើយតែពុំមានកូនសោះឡើយ៕

ដោយ៖ វណ្ណះ