ភ្នំពេញ៖ កម្លាំងក្រុមត្រួួតពិនិត្យអាវុធជាតិផ្ទុះនិងរិតបន្តឹងច្បាប់ចរាចរផ្លូវគោកនៃអធិការដ្ឋាននគរបាលខណ្ឌទួលគោកបានឃាត់ខ្លួនជនសង្ស័យ២នាក់ ជាក់ស្តែងនិងចាប់យកក្រាមពណ៌សថ្លាចំនួន៣កញ្ចប់ កាលពីវេលាម៉ោង១០យប់ថ្ងៃទី២៥ ខែកញ្ញា ឆ្នាំ២០១៦ នៅចំណុចមុខបណ្ណាល័យ សម្តេច ហ៊ុនសែន ផ្លូវលេខ៥៩៨ ក្រុមទី៦២ ភូមិ១៦ សង្កាត់ទឹកល្អក់ទី១ ខណ្ឌទួលគោក រាជកធានីភ្នំពេញ ។

ជនសង្ស័យទី១-ឈ្មោះសាន់ ទូច ហៅទូច ភេទប្រុស អាយុ៣៣ឆ្នាំ ទីលំនៅពិតប្រាកដ មានស្រុកកំណើតនៅភូមិព្រៃត្រាំង ឃុំមានជ័យ ស្រុកឈូក ខេត្តកំពត ទី២-ឈ្មោះមូល ប្រុស ហៅស្រួច ភេទប្រុស អាយុ២៥ឆ្នាំ មុខរបរចុងភៅធ្វើម្ហូប ស្នាក់នៅផ្ទះមិនចាំលេខ ផ្លូវរថភ្លើង សង្កាត់ភ្នំពេញ ខណ្ឌសែនសុខ។ ចំណែកវត្ថុតាងដែលបានចាប់យករួមមាន៖ ក្រាមពណ៌សថ្លាចំនួន៣កញ្ចប់, ទូរស័ព្ទដៃចំនួន២គ្រឿង (១គ្រឿងម៉ាក iPhone-5 និង១គ្រឿងទៀតម៉ាក Metfone , ម៉ូតូចំនួន២គ្រឿងម៉ាកហុងសេ១២៥ ពណ៌ខ្មៅ ពាក់ស្លាកលេខភ្នំពេញ1AL-9701 និង១គ្រឿងទៀតម៉ាក Suzuki Nex ពណ៌ខៀវ ពាក់ស្លាកលេខភ្នំពេញ1FT-9430 , កូនកាបូបដៃពណ៌ខ្មៅ១។

បច្ចុប្បន្នជនសង្ស័យទាំង២នាក់រួមទាំងវត្ថុតាងកំពុងឃាត់ខ្លួននៅអធិការដ្ឋាននគរបាលខណ្ឌ ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការតាមផ្លូវច្បាប់ ៕

ដោយ៖ ស ដារ៉ា