ភ្នំពេញ៖ ក្រសួងទេសចរណ៍មានកិត្តិយសសូមជម្រាបជូនដំណឹងដល់សាធារណ:ជនទាំងអស់មេត្តាជ្រាបថា នៅក្នុងកម្មវិធីប្រកួតប្រជែងថតរូប selfie អច្ឆរិយ:អង្គរ គណ:កម្មការបច្ចេកទេសបានទទួលហើយធ្វើការវាយតម្លៃរូបភាពដែលបានចូលរួមប្រកួត ដោយជ្រើសរើសយករូបចំនួន៥ (Top 5) ផ្អែកលើលក្ខខណ្ឌ ខ្លឹមសារប្រធានបទ និងបច្ចេកទេសថត មកបង្ហោះក្នុងគេហទំព័រ Facebook ផ្លូវការរបស់ក្រសួងទេសចរណ៍ https://www.facebook.com/cambodiamot ដើម្បីឲ្យសាធារណ:ជន និង fans ធ្វើការចុច Like បោះឆ្នោតរូបដែលស្រស់ស្អាតពេញចិត្តជាងគេ។

គណ:កម្មការនឹងធ្វើការបូកសរុប និងជ្រើសរើសជ័យលាភីចំនួន៣ ដែលមានការគាំទ្រច្រើនជាងគេ ត្រឹមម៉ោង ៥ល្ងាចថ្ងៃទី២៧ ខែកញ្ញា ឆ្នាំ២០១៦។ សូមសាធារណ:ជនទាំងអស់មេត្តាចូលរួមបោះឆ្នោត ដោយចុច Like រូបទាំង៥ ដើម្បីគាំទ្ររូបដែលស្រស់ស្អាតជាងគេ៕

ដោយ៖ សហការី