យោងតាមសារព័ត៌មាន Reuters នៅថ្ងៃទី២ ខែសីហា បានអោយដឹងថា ការវាយប្រហារតាមអាកាសរបស់អ៊ីស្រាអែលបានបន្តនៅតំបន់ហ្គាហ្សារយៈពេលពីរថ្ងៃជាប់គ្នាកាលពីថ្ងៃអាទិត្យ ដោយបានសម្លាប់ជនជាតិប៉ាឡេស្ទីនយ៉ាងតិចបួននាក់ បើទោះបីជាប្រធានាធិបតីអាមេរិកលោក ដូណាល់ ត្រាំ បានប្រកាសអំពីរបកគំហើញក្នុងកិច្ចខិតខំប្រឹងប្រែងដើម្បីអនុវត្តកិច្ចព្រមព្រៀងបទឈប់បាញ់នៅតំបន់ហ្គាហ្សាកាលពីឆ្នាំមុនក៏ដោយ។
មន្ត្រីសុខាភិបាលប៉ាឡេស្ទីនបាននិយាយថា យន្តហោះចម្បាំងអ៊ីស្រាអែលបានធ្វើការវាយប្រហារដាច់ដោយឡែកពីគ្នានៅក្នុងទីក្រុង Gaza និង Deir al-Balah។
គ្រូពេទ្យបាននិយាយថា បុរសម្នាក់ និងប្រពន្ធរបស់គាត់ត្រូវបានសម្លាប់ និងមនុស្ស 4 នាក់បានរងរបួសនៅក្នុងការវាយប្រហារតាមអាកាសលើផ្ទះល្វែងមួយក្នុងទីក្រុង Deir al-Balah នៅកណ្តាលហ្គាហ្សាស្ទ្រីប ខណៈដែលមនុស្សពីរនាក់ទៀតរួមទាំងកុមារផងដែរត្រូវបានសម្លាប់នៅក្នុងការវាយប្រហារលើផ្ទះល្វែងមួយក្នុងទីក្រុងហ្គាហ្សា។
លោក Trump បាននិយាយកាលពីថ្ងៃព្រហស្បតិ៍ថា មានរបកគំហើញមួយបន្ទាប់ពីក្រុមហាម៉ាស់បានយល់ព្រមរំសាយអាវុធក្រោមគំនិតផ្តួចផ្តើមដែលគាំទ្រដោយសហរដ្ឋអាមេរិកដើម្បីអនុវត្តកិច្ចព្រមព្រៀងបទឈប់បាញ់ដែលបានឈានដល់កាលពីឆ្នាំមុននៅក្នុងប្រទេសអេហ្ស៊ីប។ កាលពីថ្ងៃសុក្រ ក្រុមប្រឹក្សាសន្តិភាពរបស់លោក Trump បានចេញផ្សាយផែនទីបង្ហាញផ្លូវចំនួន 15 ចំណុច ដែលកំណត់ជំហានចុងក្រោយសម្រាប់ការអនុវត្តកិច្ចព្រមព្រៀងនេះ។
រូបថត: Reuters
