យោងតាមReuters នៅថ្ងៃទី២ខែសីហា បានឲ្យដឹងថា
មនុស្សបីនាក់បានស្លាប់ បន្ទាប់ពីខ្មាន់កាំភ្លើងម្នាក់បានបើកការបាញ់ប្រហារនៅក្នុងតំបន់ផ្សារទំនើបមួយក្នុងទីក្រុង Twin Falls រដ្ឋ Idaho កាលពីថ្ងៃសៅរ៍ នេះបើយោងតាមអ្នកនាំពាក្យទីក្រុង។
មេប៉ូលីស Twin Falls លោក Matthew Hicks បានប្រាប់អ្នកយកព័ត៌មានថា ខ្មាន់កាំភ្លើងបានស្លាប់ហើយ ហើយការគំរាមកំហែងដល់សហគមន៍ត្រូវបានបញ្ចប់។
ហេតុការណ៍បាញ់ប្រហារនេះ ត្រូវបានគេរាយការណ៍ថាបានកេីតទ្បេីង នៅវេលាម៉ោង២និង៣០នាទីរសៀល ។ អ្នកសម្របសម្រួលព័ត៌មានសាធារណៈរបស់ទីក្រុង លោក Josh Palmer បានប្រាប់រ៉យទ័រថា ប្រហែលមួយម៉ោងក្រោយមក “វាត្រូវបានគេកំណត់ថាអ្នកបាញ់ប្រហារមិនមែនជាការគំរាមកំហែងទៀតទេ” ។
ក្នុងអំឡុងពេលសន្និសីទសារព័ត៌មានមួយ លោក Hicks បាននិយាយថា គាត់មិនបានដឹងពីចំនួនអ្នកស្លាប់ពិតប្រាកដនោះទេ ប៉ុន្តែលោក Palmer បានប្រាប់រ៉យទ័រថា មនុស្ស 3 នាក់បានស្លាប់ និងយ៉ាងហោចណាស់ 2 នាក់បានរងរបួស។
លោក Hicks បាននិយាយថា អ្នកបាញ់ប្រហារគឺស្ថិតក្នុងចំណោមអ្នកស្លាប់។ លោកបានបន្តថា ប៉ូលិសកំពុងធ្វើការដើម្បីកំណត់អត្តសញ្ញាណខ្មាន់កាំភ្លើង និងកំណត់ពីមូលហេតុនៃការបាញ់ប្រហារ។
រូបថត: Reuters
