ភ្នំពេញ៖ ក្រុមបាល់បោះចំនួន៤ក្រុមបានត្រៀមខ្លួនឡើងទៅលេងវគ្គពាក់ណ្តាលផ្តាច់ព្រ័ត្រហើយសម្រាប់ការប្រកួត ដណ្តើមពានរង្វាន់កម្រិតមួយនៅកម្ពុជាដែលក្រោយពីបញ្ចប់វគ្គពាក់កណ្តាលផ្តាច់ព្រ័ត្រ (Play off) កាលពីល្ងាចថ្ងៃសៅរ៍ និងថៃ្ងអាទិត្យ ទី២៤-២៥ ខែកញ្ញា ឆ្នាំ២០១៦នៅក្នុងវិមានពហុកីឡដ្ឋានជាតិអូឡាំពិក។

ក្រុមទាំង៤ដែលបានឡើងទៅលេងក្នុងវគ្គពាក់កណ្តាលផ្តាច់ព្រ័ត្រនៅសប្តាហ៍ក្រោយនេះ មានដូចជាក្រុម Extra Joss Fighters ក្រោយពីប្រកួតឈ្នះក្រុមបាល់ បោះ Team Respeck ជើងទី១ក្នុងលទ្ធផល ៨២ទល់៤១ រីឯជើងទី២ក្រុម Extra Joss Fighters ប្រកួតឈ្នះក្រុម Team Respeck ក្នុងលទ្ធផល៩៤ទល់៦៦។ ក្រុម ALLN លេងឈ្នះក្រុម Smart Dragon នៅ ជើងទី១ក្នុង លទ្ធផល១ទល់៣៣ និង ជើងទី២ក្រុម ALLN បានយកឈ្នះក្រុម Smart Dragon ក្នុងលទ្ធផលពិន្ទុ៨០ទល់ ២៨។ ក្រុមបាល់បោះ Bayon Air Line បានយកឈ្នះលើក្រុម Davis Piants ជើងទី១ក្នុងលទ្ធផលពិន្ទុ៨៥ទល់៧០ និង ជើងទី២ Bayon Air Line បន្តយក ឈ្នះលើក្រុម Davis Piants ក្នុងលទ្ធផល ពិន្ទុ៦៥ទល់៥៣ ។

ក្រុម MSGM Beast បានប្រកួតឈ្នះ ក្រុម Blue Thunther នៅជើងទី១ក្នុងលទ្ធផលពិន្ទុ៨១ទល់៧២ រីឯជើងទី២ក្រុម MSGM Beast ឈ្នះ ក្រុមBlue Thunther ក្នុងលទ្ធផលពិន្ទុ៦៤ទល់៥៩ ។ រីឯក្រុម ដែលត្រូវចាកចេញនោះមានក្រុមTeam Respeck , Davis Piants, Blue Thunther, Smart Dragon ៕

ដោយ៖ សារីម