ខេត្តតាកែវ÷ អនុវត្តតាមបទបញ្ជាយ៉ាងម៉ឹងម៉ាត់របស់លោកឧត្តមសេនីយ៍ទោ ម៉ែន លី ស្នងការនគរបាលខេត្តតាកែវ និងមានការសម្របសម្រួលពីសំណាក់លោកឯក ឆេងហួត ព្រះរាជអាជ្ញាអមសាលាដំបូងខេត្តតាកែវ អធិការដ្ឋាននគរបាលស្រុកព្រៃកប្បាស៖ នៅយប់ថ្ងៃទី១៤ ខែសីហា ឆ្នាំ២០២៦ នៅវេលាម៉ោង០១ និង២៥ នាទី លោកវរសេនីយ៍ឯក ឡេង ប៊ុនឡុង អធិការនគរបាលស្រុកព្រៃកប្បាស បានដឹកនាំបញ្ជាកម្លាំងជំនាញ និងកម្លាំងប៉ុស្តិ៍នគរបាលរដ្ឋបាលចារ ចុះបង្ក្រាបករណី រក្សារទុក ជួញដូរ និងប្រើប្រាស់ ដោយខុសច្បាប់នូវសារធាតុញៀនចំនួន០១ករណី ០២ទីតាំង៖
ទីតាំងទី០១៖ នៅចំណុចក្នុងភូមិចន្ទមង្គល ឃុំចារ ស្រុកព្រៃកប្បាស ឃាត់ខ្លួនជនសង្ស័យ០១នាក់ឈ្មោះ តុន ប៉ុង ភេទប្រុស អាយុ២០ឆ្នាំ មុខរបរមិនពិតប្រាកដ រស់ នៅភូមិអំពិលលិច ឃុំចារ ស្រុកព្រៃកប្បាស ខេត្តតាកែវ ពីបទរក្សាទុក ជួញដូរ និងប្រើប្រាស់។ វត្ថុតាងរួមមាន: ម្សៅក្រាមពណ៌សថ្លាសង្ស័យជារធាតុញៀនចំនួន ០១ កញ្ចប់,ទូរស័ព្ទដៃ០១គ្រឿង,ម៉ូតូ០១គ្រឿង។
ទីតាំងទី០២៖ នៅចំណុចក្នុងរោងលើខ្នងប្រឡាយស្ថិតនៅភូមិចារ ឃុំចារ ស្រុកព្រៃកប្បាស ខេត្តតាកែវ ធ្វើការឃាត់ខ្លួនជនសង្ស័យចំនួន ០៤នាក់៖
១-ឈ្មោះ គុប ភក្ដី ភេទប្រុស អាយុ៣៥ឆ្នាំ មុខរបរមិនពិតប្រាកដ រស់នៅភូមិយុថ្កា ឃុំដូង ស្រុកបាទី ខេត្តតាកែវ (ប្រើប្រាស់)
២-ឈ្មោះ តូច សារី ភេទប្រុស អាយុ៤០ឆ្នាំ មុខរបរមិនពិតប្រាកដ រស់នៅភូមិចារ ឃុំចារ ស្រុកព្រៃកប្បាស ខេត្តតាកែវ (ប្រើប្រាស់)
៣-ឈ្មោះ រុំ រ៉ា ភេទប្រុស អាយុ ២៥ឆ្នាំ មុខរបរមិនពិតប្រាកដ រស់នៅភូមិយុថ្កា ឃុំដូង ស្រុកបាទី ខេត្តតាកែវ (ប្រើប្រាស់)
៤-ឈ្មោះ អ៊ុក ភាន់ ភេទប្រុស អាយុ ៣៦ឆ្នាំ មុខរបរមិនពិតប្រាកដ រស់នៅភូមិអំពិលលិច ឃុំចារ ស្រុកព្រៃកប្បាស ខេត្តតាកែវ (ប្រើប្រាស់))
ក្នុងករណីនេះសមត្ថកិច្ចប្រមូលវត្ថុតាងរួមមាន: ម្សៅក្រាមពណ៌សថ្លាសង្ស័យជាសារធាតុញៀនចំនួន០១ កញ្ចប់ ទូរស័ព្ទដៃ០២គ្រឿង,ជញ្ជីងថ្លឹងថ្នាំ០១. ម៉ូតូ០២ គ្រឿង ថង់សម្រាប់វេចខ្ចប់មួយចំនួន។
បន្ទាប់មកកម្លាំងបាននាំខ្លួនជនសង្ស័យខាងលើរួមទាំងវត្ថុតាង មកកាន់អធិការដ្ឋាននគរបាលស្រុកព្រៃកប្បាស ដើម្បីសាកសួរ និងកសាងសំណុំរឿងតាមនីតិវិធី៕
ដោយ៖ សុរិយា
