ភ្នំពេញ៖ ផ្ទះប្រជាពលរដ្ឋមួយកន្លែងត្រូវបានអគ្គិភ័យឆាបឆេះយ៉ាងសន្ធោសន្ធៅបង្កឲ្យមានការភ្ញាក់ផ្អើលដល់អ្នកក្បែខាងនិងសមត្ថកិច្ចជំនាញចេញរថយន្តទៅជួយបាញ់ពន្លត់ជាច្រើនគ្រឿង។
គ្រោះអគ្គិភ័យខាងលើនេះដែរបានកើតឡើងកាលពីវេលាម៉ោង ១:២០នាទីរសៀលថ្ងៃទី០៥ ខែកញ្ញា ឆ្នាំ២០២៦ ស្ថិតនៅលើផ្លូវ៣៦៩ ក្រុម៩ ភូមិអូរអណ្តូរទី១ សង្កាត់ព្រែកប្រា ខណ្ឌ ច្បារអំពៅ រាជធានីភ្នំពេញ
តាមប្រភពពីម្ចាស់ផ្ទះបានប្រាប់ឲ្យដឹងថា នៅមុនពេលកើតហេតុ ដោយពួកគាត់នៅអង្គុយនៅខាងក្នុងផ្ទះក្រោយមកស្រាប់តែឮស្នូសំឡេងផ្ទុះក៏រត់មកមើលឃើញអណ្តាតភ្លើងឆាបឆេះរាលដាលយ៉ាងសន្ធោសន្ធៅ ភ្លាមនោះដែរគាត់ក៏ស្រែកឲ្យអ្នកក្បែខាងមកជួយនាំគ្នាយកធុងនិងទុយោទឹកបាញ់ទប់ស្កាត់ជាបណ្តោះអាសន្នរួចនាំគ្នារាយការណ៍ទៅសមត្ថកិច្ចជំនាញសុំរថយន្តពន្លត់អគ្គីភ័យមកជួយអន្តរាគមន៍បន្ទាន់។
ក្រោយពីទទួលបានដំណឹងខាងលើលោកវរសេនីយ៍ឯក ព្រហ្ម យ៉ន នាយការិយាល័យ បានបញ្ជាអោយរថយន្តពន្លត់អ្គិភ័យគ្រប់គោលដៅចេញទៅជួយបាញ់ពន្លត់ភ្លាមៗផងដែរ។
ក្រោយពីកម្លាំងជំនាញចុះទៅដល់បាញ់ពន្លត់ចប់ឃើញថាប្រេីប្រាស់រថយន្តការិយាល័យអគ្គិភ័យ អស់ចំនួន ១០គ្រឿង ទើបរលត់ទៅវិញជាស្ថាពរនៅវេលាម៉ោង១៤:១០នាទី ថ្ងៃខែឆ្នាំដដែល។
ក្នុងហេតុការណ៍ខាងលើមិនមានអ្នក ស្លាប់និងរបួសនោះទេ គឺខូចខាតតែប្រភេទសំណង់: ថ្មក្រោមឈើលើ ទំហំ៦m x ៧m +ខូចខាត : ទូរទឹកកក ចំនួន១ គ្រឿង ម៉ាសុីនបោកខោអាវ ចំនួន១ គ្រឿង និងសំភារៈប្រើប្រាស់មួយចំនួន( ខូចខាតទាំងស្រុង )
ចំពោះមូលហេតុកម្លាំងជំនាញបញ្ជាក់ថាមកពី ឆ្លងចរន្តអគ្គិសនីទើបបង្កទៅជាអគ្គិភ័យ៕ ដោយ ៖ ភារ៉ា ដង្កោ
